مساحة للكلم
سامي مصطفى أمين يكتب:
عام مضى وكم مننا
عام مضى
وكم مننا..
كان نازح ومهاجر
كم من لاجئين،
هنا وهناك شتتنا.
مضيت تركت،
أوجاع ومأسي،
مريرة فينا..
بأحزان وهموم
أثقلتنا..
الحرب طالت ،
سرقت سنوات ،
من عمرنا ..
كر وفر،
سقطت مدن
عادت مدن،
زعزعتنا ..
قتلى وجرحى،
أرواح كثر إرتقت
لربنا..
شعب وجيش،
قاتلنا فيك،
معركة الكرامة ،
لامن نحرر أرضنا ..
عام مضى،
ترك دمامل من أسى،
جروح ومأسي،
في كل نفس،
وكل ذاكرة ،
أوجعتنا ..
كم من عزيز،
فقدنا فيك،
من أهلنا..
عشنا الشتات
في كم بلاد.
ما تلاقينا تاني،
كان منانا وحلمنا.
الليلة أخر يوم،
لعام .كان،
في أعمارنا شؤم،
نتمنى مايعود
زيو تاني في عمرنا ..
الجاي باكر عام جديد،
ياريت يلملم جراحاتنا
يداويها ويشفنا..
تعود بلدنا منتصرة باكر
سالمة عزيزة مؤمنا..
كل زول يرجع يعود،
تتعمر من تاني البيوت،
نتلمة نهجع..نفرح
شاكرين ركع سجود،
لربنا..
نعيش في أمان
في سلام ،
الباقي باقي
من عمرنا..
سامي الشاعر..
