سامي مصطفى أمين يكتب : بحر العطاشة نشف

مساحة للكلم

سامي مصطفى أمين يكتب : بحر العطاشة نشف

بحر العطاشة نشف

نشرب بواقي السيل

@

أشواق ناس بعاد منك

يعتريها الأسى بالليل..

أبكي يا وطني الحبيب

موجوعين شديد بالحيل..

كبوة ما درناها ليك

ما تمنينا نقول ياحليل..

شدة و تزول يارب

الزبد بشيلو السيل..

ما ينفع الناس أبدا

مطر الخريف والنيل..

باكر تعود الناس

تنعم بالكتير وقليل..

النعمة في حضنك

طعم النهار والليل..

لعبنا على ترابك

كورة وسباق وشليل..

شربنا موية المطرة

عومنا فوق النيل..

مسكون جوانا دوام

في ذكراك صباح ومقيل.

سودانا أرض الخير

الغابة والصحراء

تبلدي و حراز ونخيل..

سامي الشاعر..