عبدالرحمن دقش…يكتب: كل الزوايا: ( في السودان يوم امس الاولي والاخيره !!)
* ليكن في السودان يوم امس هو زمن ثوره ديسمبر 2018م المجيده التي اشتعلت وفقدت شباب الثوره من تجمعات الملايين في الشوارع وقد كان الاغتيال علي عينك يا وزير الداخليه والمدير العام للشرطه بولايه الخرطوم !!
* اهل السودان لن ينسوا ما حدث في ( فض الاعتصام ) الذي فقدنا فيه اعز واطيب واكرم شباب الثوره وحتي الان من يوم امس لا يعرف اهل السودان وشباب الثوره من كان وراء فض الاعتصام امام مكتب القياده العامه بالخرطوم !!
* لقد قامت الحكومه بعد ابعاد النظام البائد واستمرت في حكم الدوله ولكن لم توضح من نفذ فض الاعتصام !!
* الواقع ان حكومات ما بعد الثوره لم تعمل بجد بعد توقيع الوثيقه الدستوريه للثوره وحتي حكومات حمدوك التي استمرت لعامين و(بلص ) شهور ولم تعمل الصالح العام وبعد انقلاب البرهان استقال حمدوك في اكتوبر 2021م وذهب الي الامارات !!
* الحق يقال ان السودان في يوم امس ظهرت من شعب السودان الكثير من الاستفسارات حول تلك الاعوام ( البايظه ) في العامين وبلص شهور وماذا فعل حمدوك؟!!
* هل استطاع حمدوك مراقبه الوزراء والوزيرات بعين ثالثه ؟!!
هل الوزارات تسير علي قدم وساق ؟!! وهل شاهد شعب السودان تقدما للتربيه والتعليم والصحه والشباب والتجاره والصناعه ومعايش الشعب ؟!!
* في عهد حمدوك كان غلاء الاسعار. وتعطل تعليم الجامعات واستمرت دراسات كليات الجامعات الي سنوات عديده !! هل كانت المستشفيات تمشي ( عديل ) ولا انغكاك فيها ؟! هل توفرت الادويه والعلاج بصوره مشرفه ؟!!
* بوضوح كان عهد حكومات حمدوك كله انحطاط وفشل وكان هو تحت سندان قوي الحريه والتغيير وتجمع المهنيين ( قحت ) والقحاطه !!
* لقد اطلق شباب الثوره وشعب السودان الثوري علي وزاره العدل في زمن حمدوك اسم ( وزاره العدل والمريسه ) وكان وزيرها هو نصرالدين عبدالباري. !!
* من عجائب وزير العدل والمريسه انه لعب وفسد في بنود الوزاره وحلل ( … ) في السودان !!
* يا حمدوك بذمتك لماذا. ثوافف علي هذا البند من وزاره العدل والمريسه ؟! هل تريد المزيد من الافك وعشان كدا لم تنم اقاله نصرالدين عبدالباري وادخلته الحكومه الثانبه ؟!
* كانت هنالك ضاله اخري وانت كنت تسعي ادخال حكم العلمانيه في السودان من اول يوم امس بل ذهبت بلحمك ودمك الي عبدالعزيز الحلو ووعدته بصدق وامانه ان العلمانيه سوف تدخل السودان ويكون الانتصار !!
* طيب يا شباب الثوره المجيده انتم كنتم في بدايه الثوره تهتفون ( شكرا حمدوك ) وبعد شهور قليله من حكمه انقلبت الهتافات الي ( يسقط حمدوك ) ولماذا ذلك الانقلاب ؟!!
* انه فشل واخفاق حمدوك في حكم الدوله وكما انه عدم الوصول ومعرفه من نفذ فض الاعتصام والتي كانت تحت بحث المحامي (نبيل اديب ) الذي مكث معها سنوات طوال ولم يحدد من نفذ جريمه فض الاعتصام. !!
* بمناسبه فض الاعتصام هنالك غير الذين اغتيلوا داخل فض الاعتصام هنالك من رموا من شباب الثوره داخل النيل الازرق وربطوا معهم الحجاره الثقيله !!
* كانت هنالك الاعداد الهائله من شباب الثوره لم يرجعوا والي اين ذهبوا ولم تعرف اماكنهم حتي الان ومما لاشك فبه انهم ضاعوا بيد من نفذ فض الاعتصام !!
* يا منظمات العالم الدوليه من اين نجد اجابات من نفذ فض الاعتصام في السودان في عام 2019م ؟!!
* كان كل ما ذكرناه وقلناه. في يوم امس الاولي ولكن كيف كانت الاخيره ؟!!
* بكل حزن وحسره ان الاخيره حدث فيها حرب 15 ابريل 2023م اللعينه وكان يقودها وداخلها نائب رئيس دوله السودان الذي اراد تدمير السودان ويجعل الخرطوم مساكن الكدايس والكلاب وكان تقف معه بعض الدول الخارجيه وحدث ما حدث من اغتيالات واوشكت ان تصل المليون وكانت معها السرقات والنهب واغتصابات النساء الحرائر. !!
* في تلك الحرب رحل ناس الوطن وحصل النزوح الي الدول المجاوره ولكن بعد هزيمه مليشيا الدعم السريع والجنجويد والمرتزقه قد رجع اهل السودان رغم ان الحرب لا تزال مشتعله في دارفور وكردفان والاغتيالات تدور ويا لها من كوارت !!
* بعد يوم امس الاولي في السودان ذكرنا ان الاخيره كانت هي الحرب ولكن مع الحرب كانت الاخيره هي الحكومات والانظمه التي حكمت بعد حكومات حمدوك !!
* بعد انقلاب 25 اكتوبر 2021م في السودان كانت هنالك حكومات غير ( مغهومه ) وظلت تحكم دوله السودان زهاء اربع سنوات وكانت تدار وتحكم من الخرطوم ثم انتقلت الي عاصمه اخري تسمي بديله عن الخرطوم وهي من بورتسودان عندما قامت الحرب !!
* الذي كان متداولا ان كان بالخرطوم او بورتسودان كان يطلق علي الوزير او الوزيره ( وزير كذا المكلف ) !!
* لقد طالبنا البرهان لمرات عديده قيام حكومه بالمعني السياسي المعروف وليست هنالك في حكومه في اي دوله في العالم نجد مع الوزير كلمه ( المكلف ) !!
* بعد طول سنوات غياب سمع البرهان كلامنا وكلف كامل الطيب ادريس تكوين حكومه السودان الظاهره وكان ذلك في منتصف عام 2025م !!
* الذي حدث ان كامل الطيب ادريس رئيس مجلس الوزراء الانتقالي بالسودان قد شكل الحكومه ولكن هل كانوا يعرفون الصالح من الطالح الباطل لمنفعه الدوله ؟!!
* الذي حصل لقد تحدثنا كثيرا عن كيفيه تعيينات الوزراء والوزيرات وان يكون للصالح العام. !!
* الذي هز اهل السودان وقد ذكرنا ذلك لكامل ادريس وانه حدث من وزير ما ولم تمر الايام وانه استاجر المنزل والسكن في حي في بورتسودان. بمبلغ فيه المبالغه وبالعمليه الحسابيه ( مليون جنيه ) لليوم الواحد فقط !! هكذا عملها وزير حكومه كامل ادريس وما هكذا يا وزير كامل تورد الابل !!
* يا كامل ادريس رئيس مجلس الوزراء الانتقالي. يبدو ان معظم الوزراء والوزيرات في حكومتك يعيشون في زمن جماعه ( البيتزا والشاورما والايس كريم ) ?وعاوزين المنازل الفخيمه والسيارات الفارهات ونسوا وتناسوا العصيده واللقيمات وام فتفت وملاح نعيميه والقدو قدو وام رقيقه وملاح شرموط والفول والعدس !!
* يا كامل ادريس حذر الوزراء رفع اليدين ويد واحده كغايه والوطن في ازمات وما نسمع ( امسك لي .. اقطع ليك ) !!
* يا وزراء ووزيرات حكومه كامل ادريس بالسودان ابقوا عشره علي الوطن واذا ما لقيت سكن بمقاس حوش القش لا تطلبوا كافوري والمنشيه والرياض والطائف وقاردن سيتي وغيرها !! كونوا يا وزراء ووزيرات حكومه كامل ادريس ضد المثل ( كثيرون حول السلطه وقليلون حول الوطن !!) !!!
