سامي مصطفى أمين يكتب: أنا زول سوداني

مساحة للكلم

سامي مصطفى أمين يكتب:

أنا زول سوداني

أنا زول سوداني..

عنواني في الزمن الماضي ..

زمن القطر الماش ..

وعمي الزين وكيل سناطور.

زمن الناس البحبو الناس ..

البيناتهم ما فيها حساب .

ما فيها كسور ..

زمن البيت والشارع ربو

عيال..

وبين الجار والجار نفاج ..

نفاج فاتح ..

لا حيطه لا سور ..

أرسل ليهو عشاء ..

والتاني إجيب لجارو معاهو فطور ..

زمن الحشمه ..

وأخو البنات ..

والزول بس عايش

يكون مستور ..

والحبوبه بتحجي أحفادها ..

وأتعشيهم ..

وأتغطيهم

وتطفي النور..

الأم للأب أمة طايعه ..

الأب للأم أسدا وغيور ..

أنا إنسان من زمنا ماضي ..

بعتز بيهو .

وبكتب عنو

أحلى بيوت وأرقى سطور ..

زمن الحب العذري ..

وبر الأم والوالد ..

والفايت حدو ..

بساويهو ساطور..

زمنا طعمو براهو

حلاتو..

حالنا الحالي

إتحسرت عليهو

مسيخ وقشور..

سامي الشاعر..