مساحة للكلم
سامي مصطفى أمين يكتب:
من قلب شاعر
من قلب شاعر
بالشعر بواسي
المأسي..
بكفكف الدمع
الهتون.
بنور الشمعات
ببسمة.
لمشاعر
ما بتخون..
برسم الإحساس
في لوحة.
تقرأها بدهشه
العيون..
ما بحب في
الدنيا نفسي.
بس بحب
الخير يكون..
وبهجة الدنيا
بشوفها.
في فراش
بالزهر مفتون..
وقدلة الصيد
في البراري .
والطيور الراحله
في غدوها
ورواحها.
وين ما تكون..
في النيل
القاطع الفيافي.
يملأ للناس
كل ماعون..
في ضحكة
طفله بريئة
ابوها بيها
مجنون..
في لمة الناس
عند التهاني.
في كل عيد
الفرح فيهو
ينسيها الشجون..
داير أعيش
أنا غصن اخضر.
يعطي للناس
تين وزيتون..
وورد أصفر
وأحمر.
زي الشفق
من كل لون..
من قلب شاعر
بمدادو.
يلون مشاعر
الناس فنون.
بتمنى لكل زول
(بكرة أحلى)
وكل ما يتمناه
يكون..
سامي الشاعر..
