كل الزوايا
عبدالرحمن دقش يكتب ( كامل رئيس الوزراء تجنب امسك لي واقطع ليك !!) :
* كما قلنا من قبل ان اختيار كامل الطيب ادريس رئيسا لمجلس الوزراء في جمهوريه السودان بعد هزيمه مليشيا الدعم السريع والجنجويد والمرتزقه كان في محله ومن اولها نقول له ان شعب السودان معك لو بعدت ولم تنفذ (امسك لي واقطع ليك ) وهي شعار ونظريه كانت تطبق لسنوات في السودان وكانت تعني المجامله بلا حدود للاهل والاحباب واهل القبيله والمحاصصه وانصر اخاك ظالما او مظلوما وهي تعني الوصول الي ( بيت الكلاوي ) دون عناء او جهد !!
* بعد ثوره ديسمبر المجيده قامت لجان المقاومه من شباب الثوره والحكومه علي علم. انهم دخلوا في ( الشربكه ) وهي امسك لي واقطع ليك وعاشوا في الوهم ودخلوا في جحور الفئران والخفافيش ووضحت الغوغائيه وهنا نحذر كامل ويعمل حسابه ولا يمارس امسك لي واقطع ليك وكذلك لا للدخول فيها ولا للاحزاب !!
* من النصائح يا كامل راجع وددق عند اختيار من يعمل معك ويركب ( مترو الحكومه ) من الوزراء والوزيرات ولا مجال ( لبصمه ) المحاصصه والجهويه !!
* احذر ما وقع فيه حمدوك لانه تعاون وانحاز لقوي الحريه والتغيير ( قحت ) وكان الفساد والانحطاط وتداول معهم ( عفا الله عما سلف ) وحصل بعدها الانحلال ومارس حمدوك ( السمع والطاعه ) الي القحاطه وانتشرت حكايات ( الف ليله وليله ) من شله المزرعه !!
* لعلم رئيس مجلس الوزراء الانتقالي ( كامل الطيب ادريس ) اليوم ان السودان وقبل وبعد حرب 15 ابريل 2023م كان في عنق الزجاجه وكان اقتصاده المنهار وكانت الاسباب امسك لي واقطع ليك وكان في غيه وضلاله ويسانده المحاصصه والحزبيه ودخل السودان في الرحيل المر الغاجع وبرضو الرحيل من جماعه امسك لي واقطع ليك وكان حكم السودان في زمن حمدوك يعتمد علي المجامله حتي لو كانت من اصغر العلاقات ومواقعها !!
* لعلمك يا كامل ان حمدوك في 20 اغسطس 2020م قد نعي المعلمه ( زينب بدرالدين ) من داخل مكتب مجلس رئيس الوزراء وبمظافره عنيفه ورفع الاعلام ووقف معه كل العاملين والعاملات وكثرت الهتافات ( وداعا زينب ) وهنا نقول ان الراحله زينب تستحق العزاء ان كان من جماعه المعلمين والمعلمات والحزب الشيوعي وتستحق العزاء من تلك الجماعات ولكن من مكتب مجلس الوزراء فذلك هو التضليل واين نضعه والوطن والشارع والشعب يحتاجون الي الوقفات المستحقه ؟!!
بكل اسف كان عزاء حمدوك بتلك الصوره لم يحدث في تاريخ السودان وهل كان حمدوك يرغب في تسجيله في موسوعه ( غينيس ) للارقام القياسيه ؟!!
* لقد عرف اهل السودان ( السبب بطل العجب ) والذي اذكره انه كان في نفس الزمن ان فقد السودان علامه واعظم علماء السلطه الرابعه ( الاعلام والصحافه ) ولم يسمع الناس عزاء حمدوك ولكن بكل صدق وامانه ان البرهان اعطاه حقه ومكانته العاليه ونكس اعلام الدوله لثلاث ايام وبها ترك الشعار ( امسك لي واقطع ليك ) لحمدوك ومكتبه !!
* نقول الي كامل الطيب ادريس رئيس مجلس الوزراء الانتقالي بالسودان ان خروج السودان من تلك الكوارث ليس من السهل خروجه او تنفيذ مالا يمكن ممكن او الممكن وبعض المستحيل وتلك تتم بالوطنيه الصادقه وبالطبع الدول الاوربيه تتمسك بالقوله ما لايمكن ممكن !!
* الذي شاهدناه في الولايات المتحده الامريكيه في انتخابات عام 2016م حيث فاز الحزب الجمهوري واستطاع دونالد ترامب ان يحقق الفوز الكاسح وفاز علي ( هيلاري كلينتون ) مرشحه الحزب الديمقراطي وكان الفوز بالتخطيط و( مالا يمكن يمكن ) !!
* نطالب كامل الطيب ادريس رئيس مجلس الوزراء الانتقالي بعد حمدوك اربع سنوات وبلص ان ينفذ ما ينفع الشعب. ويتماسك ما لا يمكن ممكن وبعض المستحيل ونؤكد له ان ظروف السودان والحرب التي كانت سوف تساعد بالقوه والحكمه والعفه والنزاهه اثناء الفتره الانتقاليه واوعك يا كامل من حكمه ( البصيره ام حمد ) !!
* يا كامل ادريس رئيس مجلس الوزراء الانتقالي ( بعد حمدوك ) لا تستخدم ما يسمي ( الشربكه ) وهو مرض من امراض السياسه وربما اخترعه ( ابليس ) من اجل الفساد والاعمال المشربكه ولهذا علي كامل الابتعاد عن حمله المباخر وهم ( فوبيا ) الشربكه ولكن لو يصدق كامل ان شعب السودان يسعي معرفه الواقع والوضوح اثناء الحكم واللبيب بالاشاره يفهم !!
* نطالب كامل الطيب ادريس رئيس مجلس الوزراء الانتقالي الذي تم اختياره بعد سنوات طويله من استقاله حمدوك ان يدقق في اهل اتاك ما افسده الدهر بالوزارات لانها لا تزال فيها وداخلها ( خفافيش ) قحت وما اصعب خروجهم وانها ( ورطه ) لحقت بالسودان ولكن يا كامل تذكر ( عسي ان تكرهوا شئيا وهو خير لكم )
!! يا كامل لا تنظر الي الخلف لان فيه الماضي المزعج ولكن ان تضع يدك مع الشعب وتحقق لهم ما ينادون به فذلك هو النجاح !!
* نصائح اخيره الي الدكتور كامل الطيب ادريس رئيس مجلس الوزراء الانتفالي في السودان وهي لابد ان يكون معك بالضروره رجال وطنيه من الطراز الصالح وان تكون شخصيه جاده معروفه ونحن نعلم ان الاسد يمشي وحيدا والخروف يمشي مع الجميع. !!
هنالك ثلاث مشاكل لابد ان تحذرها بفكر واسع وهي ( الملل والرذيله والقصر ) والاهم ان تكون في المكتب داخله وخارجه تعرف حلول مشاكل الشعب ولابد من الارضاء وصافح وسامح واسمع منهم بصدر واسع ولا تعتمد علي الضعفاء واعتمد علي الله وهو القادر !!!
