محمد غبوش يكتب (شعار النخبة) .. شوفوا غيرها يا وصيفاب 

محمد غبوش يكتب (شعار النخبة) .. شوفوا غيرها يا وصيفاب

أحبابنا الوصيفاب قدر ما نقول نسكت منهم.. ما بدونا فرصة..

عقدة (الدونية).. و(الغيرة الشريرة) من سيد البلد وزعيمها الأوحد متأصلة فيهم..

متعودين دايماً.. أي حاجة يفسروها على حسب مزاجهم..

أي حاجة يطوعوها.. ليظهروا بمظهر المستضعف الذي يترصده الجميع..

على شنو؟؟.. والله ماعارف.. عشان ما تسألوني..

المهم.. الإتحاد العام قال يعمل (جدعة جديدة) في بطولة النخبة الحالية.. فقام عمل (شعار) للبطولة..

ايوه.. ياهو الشعار التحت ده..

فجأة.. نلقى ليك الصياح إشتغل.. والكواريك ماتديك الدرب..

الشعار ليه يكون لي لاعب لابس أزرق وأبيض.. وده معناهو إنو البطولة دي متفصله على الهلال.. والإتحاد العام متحامل علينا.. وعييييك..

ياخ أنا بقيت منتظر في أي لحظة يطلع (كابو) ويقول قررنا ننسحب من البطولة دي عشان الشعار..

ما أصلوا.. متعوده داااايماً..

المهم تاني.. قبل ما الموضوع يتطور أكتر.. وعشان نقطع ليهم حجتهم دي من بدري.. بنقوليهم..

الشعار ده مستوحى من اللقطة التانية التحت دي.. وهي لي لاعب من فريق هلال كريمة اسمو على ما أعتقد معاذ..

الصورة كانت في مباريات المرحلة التي سبقت مرحلة النخبة الحالية.. وعجبت الناس.. فقرر الإتحاد يعملها شعار.. ودي كل الحكاية..

يعني الحكاية لا فيها إستهداف.. ولا يحزنون.. فروقوا كده.. وإستهدوا بالله.. والعبوا كورتكم..

ولو دايرين تطلعوا (زيكو وكابو) الجواكم.. وتهربوا ذي ماعملتوها قبل كده.. فشوفوا ليكم حجة تانية من هسي..

وبس..

(غبوش)