مساحة للكلم
سامي مصطفى أمين يكتب :باكر نعيد سيرته.
نعمروا و نبنيه
من بحري سر الهوى..
من أم در الناسها حنان..
والخرطوم بلياليها زمان..
كل السودان وحواليه..
هاجرت الناس ركبان.
ل (أم الدنيا) زرافات ووحدان.
لما الحرب قامت فيه..
مرة في الفيصل
والمريوطية وفي بدر.
وهناك في قباء
والهرم ومدينة نصر.
السوداني.. محل ما تقبلي تشوفيه..
في الغربة مافي طعم..
حنين وشوق وألم.
والشعور من غير ليه..
كانت سياحة زمان.
كانت ترف إنسان.
بلده هي السودان.
بحب الحياة وماحواليه..
ما قايل حيجي يوم.
يفارق بلاده.
يعيش غريب مهموم.
مغالبه السهر في النوم.
متين العودة يارب ليه.
الدنيا ماليها أمان.
زي البحر وموجه كمان.
الحذر و اجب فيه.
أحلى الذكريات زواده.
تخفف عليك بزيادة.
لو الزمن لف إتمادى.
حال الدنيا نقبل بيه..
تتذكر الجبل والغابة؟
و السبلوقة المتكية
على النيل أخاذة.؟
(الجبنة في شارع النيل)
و (شمبات تحت الكبري.)
و الله أيام يازمان.
يا حليل الراحوا
و خلوا الريح تنوح
فوق النخل ما عادوا.
يا هلا بالعادوا كمان.
باكر نعيد سيرته.
نعمروا و نبنيه..
سامي الشاعر..
