مساحة للكلم
سامي مصطفى أمين يكتب:
صب يا مطر ما تقيف
صب يا مطر ما تقيف
جلد جلودنا الصيف..
سلط علينا سموم
زادنا كرب وهموم
صب يا مطر ما تقيف..
بس خليك ظريف.
على بيوت الطين
و الفي رواكيب
زورها ضيف وخفيف..
أنزل على كل وادي
شديد.
أملاهو حد القيف..
خلي الطيور تتهادى
الخضرة تزيد تتمادى.
من صيفنا الشديد
وعنيف…
تبقى بلادنا مصيف..
صب يا مطر ما تقيف..
شفعنا مبتهجة
شبعنا بالبهجة
خلي مزاجنا ظريف..
ترابلتنا بالطورية والواسوق.
رموها سمسم و فول.
عباد وذرة وعيش ريف..
سودانا أرض الخير
بلد الطيبين.
من البحر للنيل.
حتعود تاني تقيف..
سلة غذاء العالم
مطمورة الدهب
والزول الكريم
وحصيف.
صب يا مطر ما تقيف..
@
سامي الشاعر.
