* يا ( سياده ) رئيس مجلس الوزراء الانتقالي بالسودان الدكتور كامل الطيب ادريس وحكومته المختاره لقد مرت الشهور وكنتم في بورتسودان عاصمه السودان البديله وكنا وقتها نوسع المياه الي اوسع للوزراء والوزيرات حتى يجيدون ( العوم ) بدقه وشطاره واليوم هم في الخرطوم عاصمه السودان العملاقه المناضله وقد مضي علي حرب 15 ابريل 2023م ( الف يوم ) وهنا نطالب الجميع بالاداء الافضل !!
* الذي وصلنا من كامل ادريس ان حكومته سوف تركز علي معاش وامن المواطن في الصحه والتعليم ومعها السلام وقد لاحظنا ان ( الريس ) كامل قد ركز علي جامعه الخرطوم وفي ناحيه الاقتصاد ذكر مشروع الجزيره ومشروع الهواد الزراعي وعدد الكثير من العمليات !!
* حقيقه يا كامل ادريس رئيس مجلس الوزراء بحكومه السودان قد قلنا لك الكثير لرفعه السودان وكانت كلها من النصائح الصالحه حتي نري الوطن يسمي دوله يشار اليها وكانت كل الكتابات من المهجر ونعرف ما يسر ويقدم السودان وكانت فيها المقارنات ببعض الدول وكان عليك يا كامل ادريس المتابعه والمشاوره والتنفيذ وذلك لم يحدث !!
* كنت امشي علي الدروب ( الصاح ) النافعه ولكن ثبت شرعا ان المتابعه تتم ولكن بعدها ترمي في البراميل !!
* الدليل كان واضحا لاننا نسمع ان الوطن يمشي بخطوات سريعه نحو الانفكاك والتدني والانهيار وهنا كان علي كامل ادريس وجماعه الوزراء والوزيرات مشاهده الانحلال والمشي. فوق حجار السعاده والمتعه لصالح شعب السودان والصالح العام !!
* يا كامل ادريس رئيس مجلس الوزراء الانتقالي بحكومه السودان من اول يوم جلست علي الرئاسه قلنا لك ما اسهل خروج السودان من الضعف والانهيار والتدني وضربنا لك مثال دوله راوندا الافريقيه التي فقدت من اهلها ( مليون ونصف ) في الحرب وكانت اسباب الحرب سيطره الجهويه والقبليه والمحاصصه وايدولوجيات الاحزاب ومن الاخر نسوا كل ذلك الوهم ووضعوا ايديهم مع بعض وتناسوا الماضي واتفقوا وصارت راوندا من اميز وارقي تقدم واصبحت الدوله الموحده !!
* قلنا لك يا كامل ادريس ارسل وزيرا او وزيره الي راوندا لدراسه اسرار التقدم والنجاح !!
* سوف يعرف مندوب كامل ادريس ما حصل في راوندا بعد الحرب وهل يمكن تطبيقه في السودان ؟!!
* الواضح ان كامل ادريس رمي بكلامنا واصبح مشغولا فيما لا يخص النافع العام ويا حليل اتفاق راوندا !!
* لم نتحدث عن رواندا فقط بل ذكرنا الي كامل ادريس ان يرسل وزيرا او وزيره الي سنقافوره التي كانت دوله تحت الصفر واهلها لا يعرفون المنازل الضخمه ذات الادوار ولا الفنادق والحمامات والشوارع الاسفلتيه ولا الطب والهندسه والتعليم وما شاكل ذلك !!
* هل يصدق كامل ادريس ان كل التقدم والامتيازات حصلت عام 1965م بعد انفصالها عن ماليزيا ؟!!
* كان اتفاق كل اهل سنقافوره رغم اختلاف الاجناس واتفقوا لا احزاب بعد اليوم وبعدها اصبحت سنقافوره اغني دول العالم وظهرت فيها ناطحات السحاب من المباني !!
* في زمن رئيسه سنقافوره الان علي راس الحكم المراه المسلمه ( حليمه يعقوب ) رغم ان الدوله كلها ديانات اخري غير الاسلام ومعها تطورت سنقافوره وليس فيها بطاله الشباب واصبح الفساد في درجه صفر ( زيرو ) % وانجزت الدوله 10 الف مشروع وكانت الضرائب 1% علي جميع المنتجات وكان دخل الفرد الواحد 85 الف دولار وفيها اعظم مطار في العالم !!
* عشان كدا يا كامل ادريس رئيس مجلس الوزراء الانتقالي بحكومه السودان نكرر ارسل الوزراء والوزيرات الي راوندا وسنقافوره واليابان وسجل واعمل به ما يقوم به السودان مثلهم رغم ان السودان فيه حاجات رهيبه لا وجود لها في الدول الاخري !!
* اخر الكلام لك يا كامل ادريس وقد قلناه اليك من قبل وكان منك الصمت والسكوت وهو ان تضع ما يوجد في السودان تحت الارض وهي لا تعد وتحسب وعلي سبيل المثال البترول والغاز والذهب والمعادن الاخري واليورينيم. وما بداخل البحر الاحمر واراضي الزراعه الواسعه والمواشي والصمغ السوداني العربي والسمسم والقمح والذره والانهار ومافي حلايب وهنالك الكثير والاشياء العالميه. ونطالب كامل ادريس وضع تلك اللافته امام امريكا وروسيا والصين والاتفاق مع احدهم لاستخراج ما فيه المنافع واقامه المفيد داخل السودان وحمايته !!
* بعد نقاشات ياكامل اختاروا الافضل واعتقد لو كانت الصين سوف تتم المنفعه معهم ويجد السودان كل المصالح بسرعه جنجويه وهذا ما يعلمه كل الناس عن الصين والسرعه المتناهيه ومن المؤكد سوف نجد الحمايه من دول الجوار السبع والصين تعمل المستحيل ولهذا يجب الاتفاق معها !!
* يا كامل ادريس بعد الاتفاق سوف يكون في السودان اروع التعليم والصحه والطب والهندسه والمباني الشامخات والشوارع الاسفلتيه المتعدده. !!
* ثم يا كامل ادريس لماذا نجد في السودان الامراض القاتله من الملاريا والضنك والكوليرا والكنكشه والشيكونقونيا واقول لك وانت العارف انني في امريكا لعشر سنوات فلم اشاهد الباعوضه ولا الضبانه في يوم ما او في لحظه وهي فيها 50 ولايه والسودان الذي فيه 18 ولايه لم نسمع الا الموت من الملاريا وكمان باعوض الضنك !!
* عليك الله يا كامل ادريس تتم دراسه الامر بدقه واعيه والاتفاق المتوقع وليس صعبا او مستحيلا ان يكون السودان اعظم دوله في العالم وان شاء الله سوف يوضع السودان في قائمه عالم عجائب الدنيا !! هل تسمع يا كامل ادريس وكفانا نصائح لك وبعدها خرج من القبه !!!
