مساحة للكلم
سامي مصطفى أمين يكتب :الحصة وطن
الحصة وطن.
ما تتلكلك ما
تتمحن..
الحصة وطن.
والماداير
يخش الحصة.
يشوف ليهو
غير سودانا
وطن.
البخت إيدو
مع الشيطان.
مقابل الدولار
يعبدو وثن..
زولا هوان .
سجمان رمدان .
وسخ وعفن..
الحصة وطن.
ما شاف الدعامي
لبيوتنا دخل.
و حتى (الدايات)
سواها سكن..
قتل إغتصب
سوى عجب
سرق ونهب.
وفي الأعيان
إرتكز وحرن..
دفن الناس هم
أحياء.
حرق البنية
دفعوا ليهو
عليها تمن..
الحصة وطن.
الجيش والشعب
إتفقوا عليهو.
عدونا واحد
حنبيدو.
نكسر إيدو.
ما بتمكن..
في كل شبر
نحفر ليهو قبر.
نطردو نطاردو
نوريهو محن..
عدونا لئيم
المعاهو غشيم.
حنكون بنيان
صلبا مرصوص.
شعب وجيش
شايلينو كلاش
لابسينو كفن..
الحصة وطن..
جيشنا معروف
من العلمين.
وشيكان وكرن..
شعب معلم
للثورآت كان ملهم.
ثار ما سكن.
النصر قريب
أمر الله عجيب.
الحق منصور
في كل مكان.
في أي زمن..
الحصة وطن..
سامي الشاعر..
