( كل الزوايا ) : عبدالرحمن دقش: يكتب( يا والي ولايه الخرطوم هل لا وجود للهمباته والحراميه والنيقرز وتسعه طويله بالولايه ؟!!)

* يا ( معالي ) والي ولايه الخرطوم المكلف ( احمد عثمان حمزه ) لقد سمعنا ونحن في المهجر ونار الغربه ان ولايه الخرطوم فيها انقطاع الكهرباء والمياه وبصوره لا توصف. وهل لا تزال تلك الوجعه متواصله ؟!!

* يا ( زول ) الكلام دا ما طول شديد ؟!! يا احمد والي الخرطوم المكلف لو تعلم اننا مع اهل التقدم ( بره البلد ) وداخل امريكا ومما دخلنا قبل سنوات ما سمعنا ان الكهرباء و( المويه ) انقطعت او حاولت رغم ان امريكا فيها ( 50 ) ولايه ووالله ما شفنا قطع دقيقه او ( جوطه ) وهكذا الحال والاحوال يا ( فخامه ) والي ولايه الخرطوم. !!

* بعدين يا احمد عثمان حمزه والي ولايه الخرطوم المكلف رغم ان رئيس جمهوريه امريكا ( دونالد ترامب ) هو المشغول بالحرب والتهديد مع ابران العظيمه وموضوع خليج ( هرمز ) وبرضو دا انشغال ولكن الكهرباء والمياه لم تقطع !! * لكن بيني وبينك يا والي ولايه الخرطوم المكلف ان الاسعار وصلت اسعارها السماء وقد سكت اهل امريكا والحال ماشي ولكن الامن مستتب بدرجه لا مثيل لها واظن في النقطه دي عاوزين نعرف منك كيف الامن والامان بولايه الخرطوم ؟!!

* ما نود ان نعرفه من ( سياده ) والي ولايه الخرطوم المكلف ( احمد عثمان حمزه ) ما الذي حصل من خدمات لمنازل النازحين القادمين بعد نهايه حرب ابريل 2023م والذين وجدوها في حالات تدمير وتكسير ونهب وسرقات لا توصف ؟!!

* لقد علمنا ان داخلها لا يمكن ان يحتمل البته وهل ترك لصوص والهمباته من الدعم السريع والجنجويد والمرتزقه. ( حته ) ما يسعد ويفرح داخل تلك المنازل ؟!!

* هل يستطيع والي ولايه الخرطوم المكلف ( احمد عثمان حمزه ) ان يوضح لنا كميه السراير والمراتب والملايات والكراسي والمراوح والمكيفات والبنابر والفوط والصحون والكبابي والملاعق وما شاكل ذلك ؟!!!

* مع وجود الهمباته والحراميه واللصوص وتسعه طويله والنيقرز وثبت فشل الامن تماما هل فكرت حكم ولايه الخرطوم تقديم المساعدات ؟!! بالمناسبه يا والي ولايه الخرطوم المكلف ( احمد عثمان حمزه ) ومن المؤكد ان معظم النازحين الحاضرين الي منازلهم بالخرطوم كانوا في قمه ( الفلس ) ولو يصدق والي ولايه الخرطوم ان هؤلاء القادمين ليست معهم ( قروش ) الاكل والشرب !!

* نعود اليك للمره الثانيه يا والي ولايه الخرطوم المكلف ( احمد عثمان حمزه ) ومعنا السؤال الثابت ماذا كان دور حكومه الامل ازاء هذه الامور؟!! هل كانت هنالك مساعدات ( مخفيه ) او التي تسمي ( تحت .. تحت ) لمنازل سكان الخرطوم الذين عادوا ووجدها صعبه الدخول وليس السكن ام انهم دخلوا فيها وعجزوا. في النوم فيها ؟!! هل تم من الامن الحراسه الحمايه ولا يزال الهمباته وتسعه طويله هم المنتصرين ؟!!

* الذي وصلنا من شكاوي النازحين الذين رجعوا الخرطوم لا يمكن وصفها وان ما يفعله اللصوص والهمباته وتسعه طويله والنيقرز لم يتوقف وتمارس في البيوت والشوارع ولا مكان لوجود الامن وانهم يمارسون تلك الافعال البشعه اناء الليل واطراف النهار وهنا ماذا تفعل يا والي ولايه الخرطوم المكلف ( احمد عثمان حمزه ) ؟!!

* بالظبط يا والي ولايه الخرطوم اتفق سكان الخرطوم ان السرقات ونهب البيوت لا يحدد وظلت اسطوانات الهمباته واللصوص والنيقرز تمارس العمليات دون توقف وان اعدادها لا تعد وكثيرا تحصل في الشوارع وداخل الاسواق !!

* هل وزير الداخليه الفريق شرطه ( بابكر سمره ) بحكومه الامل علي علم بما يدور داخل ولايه الخرطوم وهل وصلته حكايات السرقات في المنازل والشوارع والاسواق وماذا فعلت شرطه الامن لمحاربه اللصوص بالليل والنهار ومعهم الهمباته والنيقرز وتسعه طويله. ؟!!

* بصراحه القول لقد سمعنا الكثير من الاعتداءات البشعه الفظيعه وهجمات عجز عن تدميرها امن وشرطه الدوله وكانت لا توصف وكان فيها اغتيالات وجروح وسرقات وقد كانت بعضها قد حدثت في رابعه النهار وعلي عينك يا تاجر !!

* لقد قلنا من قبل الي ( سيدي الرئيس ) الفريق اول ركن عبدالفتاح البرهان عبدالرحمن رئيس مجلس السياده الانتقالي بالسودان ومعه ( سعاده ) البروف كامل الطيب ادريس رئيس مجلس الوزراء بحكومه الامل بالسودان ان تحول محاربه جرائم الحراميه واللصوص وتسعه طويله والنيقرز الي محاكم الشوارع وفي حينها ودون تقديم المستندات والمواد القانونيه ويتم الاعدام بالرصاص امام كل الناس وكان ذلك هو الحل التام للسرقات والنهب ولن نسمع بالسرقات داخل دوله السودان !!

* لقد ضربنا تلك الامثال لحكام السودان وان يتابعوا ما قامت به ونفذته دوله ارتيريا الشقيقه وهي الدوله ولا مكان لوجود اللصوص والهمباته والنيقرز وانها دوله السلام وبصوره. لا يمكن وصفها !!

* هنا نقول وما لكم يا حكام السودان لا تخلقون الشده والقوه لمحاربه السرقات. وتوفير الامن ؟!! كلمه اخيره لوالي ولايه الخرطوم المكلف ( معالي ) احمد عثمان حمزه امشي باكر لوزير الداخليه الفريق شرطه ( بابكر سمره ) واحكي له عدم النجاح في محاربه اللصوص وتسعه طويله والهمباته والنيقرز ولا بد من محاكمه الشوارع وفي كل ولايات السودان واهلا وسهلا بمحاكم الشوارع !!!