(الف حمدلله على السلامة)
لكل زول عاد رجع.
عودآ حميدآ مستطاب .
كيف وجدت البيت والأهل؟
والناس القراب .؟
أكيد…
اتنفست هواء البلد
العزيز الغالي.
اتدفيت بشمسها الحراقة .
نمت نوم الهناء
بعد ليالي الغربة.
والنوم الكان كرحلة
سراب .؟
سجدت على التراب
الغالي .
صليت صلاة شكر.
على العودة ربنا ليك
إستجاب .
إستمعت بلقاء جيران كثر.
لاقيت الأخوان والجيران
والصحاب .
ذقت طعم الأكل
بالكسرة والعصيدة
بالتقلية بما لذ وطاب.
شربت موية النيل
الزلال .
أحلى ما في الدنيا
من شراب .
مشيت في الشوارع
دخلت على الأزقة
على بيوت الأحباب .
سالمت كل زول
طولت منو.
عزيت باركت .
كرمت إتصدقت.
ما إنت طولتي الغياب .
ما حسيت وإنت ماشي
ماشي ثابت فوق
أعز.أحب.أغلى تراب .
الف حمدلله على السلامة
أذكرونا مثل ذكرانا لكم
ولا تنسونا من الدعاء
المستجاب.
مصيره الحي بلاقي
بإذن الله.
ولو طال الأغتراب .
دمتم
اخوكم سامي الشاعر.
