مساحة في حب الوطن.. .. بحبك ياوطن شامخ وطن ممتد بطول النيل

وطن شامخ

كلمات / حسن فاروق خندقاوي
الحان وأداء /الفنان عادل مسلم
..
بحبك ياوطن شامخ
وطن ممتد بطول النيل
ومن اعماقي برسل ليك
كلام سوداني دمو اصيل
لأنك عزة اجدادي الحموك قبيل
****
بغنيك ياوطن اكتر
علي رنّة وتر طمبور
بغني غناك نغم وألحان
وصوت الساقية لما تدور
انينها بصحي فينا شعور
ولسه هواك بزيد جواي
وبكتب فيك حروف من نور
اشيلها معاي اسافر بيها في الآفاق
واحلّق في سما الاوطان
اوريهم شنو السودان
لأنك عزة اجدادي الحموك قبيل
****
ولاح فجرك
صرت حقيقة ياسودان
صداها يزيد مدى الازمان
وتمشي تطول ومابتقصر
وانت الشامخ الاكبر
وبيك نتباهي بيك نفخر …

حسن فاروق خندقاوي،،،