د. عارف حمدان.. يكتب : دييييييك ياها..
( دار حمر ).. مرتع الصبا ..حب الاديم.. امي الحنونة
…………
ايه يادار ابائي واجدادي..
يارض السؤدد والسلام
منبع الطيبة ..
حيث الحلم امان
وسنا الفجر الشذي العطري….يادرة السودان ..وخير الله اعميم..فانتي السودان في زمان ومكان…
..كثر البكاء عليكي وفيكي
ياشاغلة الوجدان
سلااام عليكي في العالمين.
…………
ايه …هل سنعود للصفقة والجراري وطمبورنا البديع..
ياتري عصيدة الضري والراكوبة الكبيرة والكرباب المليان والسعن الندي والقربة الحلوة …
هل سنعود ونشرب شاء الصباح بلبن ماعزنا وبقيرتنا بتجوعر لان صوت الونكي ضج في الافاق….
……………
يادار حمر…ااااااااه
ارض الماجدين الكرماء
نبع المحبين الودعاء
منبت البنات الطاهرات العفيفات …
والحبوبات مشرقات الجبين والحكمة…..
اااااه اااااه ثم ااااه
ياارض الخليخسان والعنكوليب الحقيقي بدون كيماوي وارض السللابة وبديب ملاحنا العجيب وحلاوة ام زماطة ونحن نتماطا …
ايه يا ايام …
……………….
مابكينا عليك ضعفا منا لكنه حب الام حينما تفقدها وانت معاها…
ياامنا الرؤووووم ..
طالت الغيبة …
٤٦٠ يوم
او ١٠٩٩٢ ساعة
يعني ٦٥٩٥٢٠ دقيقة
بالواضح
٣٩٥٧١٢٠٠ ثانية
ايييييييييك
القلب ما بحمل ذلك..
وعيالك ..
قررررررربوا ليكي
………
دارحمر …
امنا وحلمنا وبطنا…
….دنسك عفن الزمام والقي عليك الدهر زقوم هذا الزمن …لكنك صمدتي ..
منحتينا الرجاء والامل
فكنتي كما انتي دخر الزمان وعافية الجسد والايام.. …
..تطهرت بارا ولبست الابيض ثوب الصبر والعفاف ..والنهود بلد السلام والثقافة ديييك ياها قربت تسقينا وفيها نتقالد ونرقص ..ونغني
(الزول بلا هله شن عز)
……..
..ان شاءالله سيطل الفجر قريبا ..والرهيو يسرح ويمرح والفولة تبتهج وهاكي يازغرودة حمرية …
صوتها من الخيوي ل ودبندة ومن ام دبيبة ل عيال بخيت ..وصقع الجمل وام صدير وام جاك وودقاسم …….الاضية هناك وابوزبد واللعيت ومقيليمة وووووو …
كل المحبين ..غنمنا ووداينا ..البنو وعقيق البقر وعجور الخلا والملح في المخلاية والتيراب خلاااااص مرق لبرا….وضل الهبيل وريحة الغبيش( تري شاي الغبيش بعالجو بيهو السكري )كما يقول سعادة السفير العظيم الدكتور :(حسن جادكريم .. )
………….
يادار الحمر يانبع الحنان والطيبة ..خلاص عيالك تقدموا الصفوف ..وهم لمن سكتوا الايام الفاتت دي كان احترام لقرار الجيش الا تاني مافي وقت ..
خلاااااااص بلحيل تعجلوا ليكي ..وان شاءالله تفرحي بيهم ..وتعود البسمة والضحكة لكل السودان( ما انتي السودان ذاتو ..وهو براك طعمتو شنو ) زي شاي القهاوي في السوق…
………..
يادار اجدادي ونبض فؤادي ….
الاولاد استعدوا لطرد الجراد والقراد والبودة ( مع الاعتذار لهذه الكائنات المسكينة)..
……………..
وغدا نعود اليكي
لن نشبع منك حضنا واملا
وبك نتحدي الدنيا ..وتدور عجلة الاقتصاد والصادرات..
وناكل ام جقوقة بالسكر ( لكن السكري جننا) ..بس ممكن نلحس بطرفين اصابعينا …( دي ما بتتفوت ) كما يقول استاذنا وعلامتنا الراحل المقيم( البروف حاج ادم حسن الطاهر )طيب الله ثراه وذكراه….
……….
ياامي دارحمر…
هذا مقام احترام الشهداء…
( كل شهداء دارحمر انتم فخرنا وعزنا ووجهنا المضئ الساطع …ولامهاتكم واولادكم كل الدعم والمحبة والدعاء … )
وهم هناك بجوار حمزة ..
وكم من ابنائك يادارحمر يشبه حمزة …
يااهلي الصامدين ..كلكم حمزة صبرا ورجالة واقتحاما ..وكم زهت بكم المعسكرات والجلالات وافتخر بيكم الكلاش والرباعي ….
……..
ان شاءالله…خلااااااص اطل الفجر ..وحانت لحظة عناق النصر…
…..
للمجاهدين الان ..وعيونهم شوقا للحظة الاقتحام والتحرير ..
الله يرعاكم ويحفظكم …
..منصورين باذن الله تعالي…
والنصر من عند الله
…… …..
عارف حمدان
