كل الزوايا
عبدالرحمن دقش يكتب ( خروف العيد بين الغلاء والهوس جلبن الفلس !!)
*عيد الاضحي المبارك اوشك ان يهل ويحصل ومن المؤكد انه سيعود والخرطوم عاصمه السودان قد تحررت من مليشيا الدعم السريع والجنجويد والمرتزقه وهم انهزموا وهربوا !!
في عيد الضحيه لازم الخروف يكون جاهزا ان كنا في حرب او سلام ولكن في دوله السودان نجد اسعار خرفان عيد الضحيه قد وصلت السماء وتصبح زخم الازمات !!
* الذي حدث قبل قيام حرب ابريل 2023م ان كان زمن حمدوك او البرهان كان من الصعب لكافه الناس في السودان من العمال والموظفين شراء خروف الضحيه بسهوله وتصبح العيون ( مسمره ) علي اسواق بيع الخرفان وتلتقي عيونهم مع عيون الخراف ويتغني اصحاب المرتبات المذبوحه مع الخرفان ( عيونك كانوا في عيوني ) وبعدها يحصل الانهزام والرجوع الي المنازل ويوم حساب الزوجات في مباريات ( كلاسيكو ) الخرفان والنهايه اما شراء الخروف باي شكل حتي لو ( تخرمت ) الجيوب او رجوع الزوجات الي منازل الاباء وانتهي الامر !!
* في عهد خرفان الضحيه يصبح الازواج في حيره بين الغلاء والهوس وجلبن الفلس من حيث ادري ولا ادري وهل يكتفي الازواج الرجال بكلمات ( عيونك كانوا في عيوني ) من الفنان المرحوم (عبدالمنعم حسيب ) وشعر شاعر العيون ( عبدالله النجيب ) ام يحفظوا قصيده الشاعر العراقي ( علي بن الجهم ) الذي قال. ( عيون المها بين الرصافه والجسر جلبن الهوي من حيث ادري ولا ادري ) !!
* يا اهل السودان ان غلاء اللحوم وخرفان العيد سببه فشل الحكومه السودانيه في ردع المهازل ولماذا غلاء اللحوم والخرفان والمعروف ان دوله السودان تنتج (ثلاث ارباع. ) انتاج العالم من الثروه الحيوانيه ورغم ذلك هنالك ارتفاع اسعار اللحوم والخرفان وكل يوم تزداد الاسعار وتصبح خراف العيد هي الكارثه وبين الغلاء والوهم وحكومه الدوله ووزير الثروه الحيوانيه في الصمت والتجاهل وترتفع الاسعار الهائله الجنونيه التي لا يصدقها العقل !!
الغريب العجيب المدهش ان وزاره الثروه الحيوانيه في السودان تظل صامته علي ارتفاع اسعار الماشيه المزريه المخيفه ولكنها في نفس الوقت تشرف علي تصدير المواشي الي الخارج ولدوله السعوديه واحيانا وفي مرات عديده كان ما يشحن ويصدر الي السعوديه يتم ارجاعها للسودان والتي تنقصها الشروط اللازمه وهنا نقول ان تلك العمليات لا تساعد من اخراج السودان من عنق الزجاجه او من عنف انهيار الاقتصاد !!
* مشكله خروف العيد. في السودان وتوفيره تشمل معظم اهل السودان. وبعضهم يحاول محاربه الغلاء وخروف العيد بين الغلاء والهوس جلبن الفلس من حيث ادري ولا ادري ولا تزال الجيوب خاليه من (حته ) فلوس لشراء خروف العيد !!
* طيب يا برهان والفكي جبريل ابراهيم وزير الماليه ( المكلف ) كم صارت اسعار الخرفان بعد هروب مليشيا الدعم السريع والجنجويد والمرتزقه وعيد الاضحي قرب شديد ؟!!
قلنا جبريلو عشان يكون الصادق في تسليم المرتبات ( جد .. جد ) وما يكون مثل الاكاذيب الماضيه !!
* لن يصدق البرهان ووزير الثروه الحيوانيه ( المكلف ) ان سعر خروف العيد في امريكا وفي حده الاقصي هو 200 دولار وعشان كدا اهل الاغتراب والمهجر لم يسمعوا عن الغلاء والهوس جلبن الفلس. !!
يا الفكي جبريل ابراهيم وزير الماليه ( المكلف ) في السودان عليك الله جهز مرتبات شهر 6 ( يونيو ) 2025م من الان وكلها ايام قليله ونسمع اغنيه ( الغلاء والهوس ) من الموظفين حول زرائب الخرفان !!
* قبل كم سنه كان اعجاب اهل السودان في عالم الاغتراب والمهجر وخلال عيد الاضحي ومن الدراما وقد اشادوا بحلقه ( كرتون سوداني زنقه ) وكانت عن خروف العيد من الثلاثي الرائع البديع ( اشرف بشير وخالد ابوالقاسم وامتثال سيفالدين ) وقد ازالت الحلقه الوجع والضنك والالم في الغربه والحزن علي الاهل في الوطن الجريح !!
* لقد اوضحت الحلقه ازمات غلاء اللحوم والخرفان والتي لا زالت مستمره وباقيه من زمن حمدوك بعد ثوره ديسمبر المجيده في الفتره الانتقاليه وكمان في زمن البرهان ازداد التضخم وقالوا بعد هروب مليشيا الدعم السريع من الخرطوم ارتفعت اسعار اللحوم الي مرحله الخيال والجنون وبعدين يا برهان هل بالدين والشرع يمكن رفع الضحيه علي رجال الوطن والحرب قائمه وارتفعت الاسعار ؟!!
* يا بليل في دراما كرتون سوداني زنقات اهل الاغتراب لا يزالون في حزن عميق لانك لم تتناول ( لحم وشيه ) خروف العيد الذي اشتراه ابن خالتك ( شليل ) المغترب في السعوديه ولكن تمت سرقته في ليله ظلماء في يوم التاسع من شهر الحج عن طريق ( تسعه طويله ) رغم الفرح والبهجه قبلها منك ومن زوجتك ( تنه ) وبعدها خاب الظن وضاع الخروف !!
بعدين سؤال لك يا بليل يمس الهوس جلبن الفلس وهو كم سنه ظلت ال 220 جنيه في جيبك وهل تكفي لشراء ( سخل ) للعيد. ؟!!
ان شاء الله يا بليل العيد القرب دا تشبع من ( لحم وشيه ) الخروف لان تسعه طويله هربت مع المليشيا !!!
