كل الزوايا
عبدالرحمن دقش يكتب : ( انتبهوا العاملات بالمنازل بالسودان بلا عقود !!) :
* بدايه نطالب اهل السودان والاخوه السودانيين خاصه ان يعملوا ويتبنوا قيام جماعه تسمي ( مطاوله حفظ اموال السودان ) التي تقام لمحاربه اذلال اموال السودان التي تدفع للعاملات بالمنازل ( الخدامات ) وهي بلا عقود ولهذا علي الجماعه عمل المسيرات في كل شبر احقاقا للحق ودفاعا عن الجنيه السودان ( المنهار ) المنحل دائما والواقع ارضا !!
* ان قامت المسيرات فسوف تنجح كما فعلها جماعه تطوع السلام الافغان لاعاده حقوق النساء المسلبه في عهد طالبان !! حدث في المسيرات ان لبس الرجال وارتدوا ( البرقع ) الذي تلبسه النساء في افغانستان وكانت المظاهرات في الشوارع وقوفا مع حقوق النساء !!
* هنا عندنا في السودان نطالب جماعه متطوعي حفظ اموال السودان لبس الجلابيه وتوب وسروال ومركوب ومنها يتذكر رجال السودان الراحل المقيم الشاعر الدبلوماسي المهيب ( سيد احمد الحردلو ) ويا بلدي يا حبوب !!
* من شروط الانضمام الي الجماعه ان يكون المشترك من ( الغبش ) والناس قد شبعت من اهل ( الفلهمه ) المصنوعه من الزيف والتزييف والارتخاء ولا مكان للمقصرين في الجماعه ولحاملي التعالي والازدراء !!
* اذن ما القصد من قيام جماعه متطوعي حفظ اموال السودان ؟!! من المؤسف ان يستمر عمل العاملات ( الخدامات ) في المنازل بالسودان او كما يسمي ( عمل الخدامات ) بلا عقود وكما ليس هنالك عامله بالخرطوم تحمل بطاقه عمل وكان لابد من وزاره العمل ان تتابع الشروط القانونيه حتي يصبح تشغيل ( الخدامات ) بصوره شرعيه !!
* الواضح في السودان استمرار الفوضي والاستهتار. فيىتشغيل ( الخدامات ) الاجنبيات. بلا عقود ثابته وذلك هو الفساد بعينه وكما ان الفوضي تتواصل وتنتشر عند دخول العاملات ( الخدامات ) الي السودان وبلا قوانيين وكان علي وزاره الداخليه التدخل ومنع الدخول غير المشروع للعاملات. المنزليات ودخول الخرطوم علي عينك يا تاجر !!
* لقد شاهد اهل السودان تلك النمازج ( الفوضويه ) وابواب بيوت الخرطوم. مفتوحه ولا حسيب ولا رقيب عليها !! الان وضح الامر لجماعه متطوعي حفظ اموال السودان. !! اما مرتبات ( الخدامات ) الشهريه فحدث عنها ولا حرج وثم ان تشغيل الخدامات يقف خلفه جماعه ( السماسره) من الرجال او النساء وقد اجاد الكل لعب الادوار بصوره مخيفه ومدهشه وهم يدخلون العاملات ( الخدامات ) في البيوت بلا كشوفات صحيه وهم يتناولون نسبه كبيره من مرتبات العاملات ( الخدامات ) وهم يتفقون مع شروط اعمال العاملات بالمنازل !! ان ( الخدامات ) لهن شروط العمل داخل المنازل او ما يسمي شروط صاله الايجار في المنازل !!
* كل شهر تخرج ( الخدامه ) ليومين ودا من اول بنود العمل للخدامه عند السماسره ومن الشروط كذلك ان الخدامه تعمل فقط في الخرطوم ولا عمل بالولايات الاخري !! هل يصدق اهل السودان ومن الذين لا يدخلون الخدامات في منازلهم ان مرتب الخدامه في السودان قد وصل الي مبالغ خياليه وقد ساعد السماسره واهل ( الفلهمه ) في ارتفاعه الي الهرج والمرج ووصلت الي مبالغ ضخمه !!
* اما حكايه ومسرحيه تسليم الخدامه فكان فيها استعراض مريب لان الخدامه تتم تفتيش المنزل وكم عدد الغرف وهل المنزل من السراميك وذلك هو المطلوب والمرغوب فيه ؟! وتسال كم عدد الحمامات داخل المنزل ؟! كم عدد سكان المنزل وهل هنالك اطفال ؟! ثم ما نوع الحجره التي تنام فيها ( ست الكل الخدامه ؟! ) !!
* هنالك العديد المثير من مطالب الخدامه ومن ضمنها ما هي مهام ونوعيه الخدمه والاعمال ؟! ثم تعلنها الخدامه امام الجميع وهي في حدود ومنها تنظيف وكنس الغرف وتنظيف الحمامات والا تتعدي اكثر من اثنين وعليها غسيل ادوات الاكل عقب انتهاء الغداء !!
* علي الخدامه غسيل الملابس بشرط ان تكون هنالك غساله اتوماتيكيه !! هنالك شروط الخروج وهي خروج الخدامه كل شهر لايام محسوبه وهي ليومين وتتم الموافقه عليها بلا عقود ولا اوراق ولا توقيعات والشاهد علي ذلك سمسار الاختيار والحضور !!
* يا اهل السودان جميعا. من يصدق ان مرتب الخدامه في السودان قد وصل الي الرقم الشاذ الذي يصعب عده وان ذلك المرتب لا مقارنه له مع راتب الطبيبه والمهندسه والمعلمه في السودان وان راتب الخدامه اكبر بكثير !! لهذا اهلا وسهلا يا جماعه متطوعي حفظ اموال السودان لمحاربه رواتب الخدامات !!
علينا في السودان مراجعه قانون العمل في دوله بنغلاديش لان عقد العمل مع العاملات بالمنازل الموقع مع دوله بنغلاديش يلزم العامله بالعمل لمده شهرين بدون راتب في حاله رغبتها رفض انهاء التقاعد مع صاحب العمل وكذلك يحدث ذلك في السعوديه وهو الافضل والانسب. في قانون العمل !! هل يا اهل السودان وحكومته ووزاره العمل نطمع في ذلك عندنا في السودان ؟!!!
