مساحة للكلم
سامي مصطفى أمين يكتب :لما ترجع الناس ونرجع..
لما ترجع الناس و نرجع..
العيون من هنا وهناك
أربع..
ما مصدقة إنو الفات
حيرجع..
بعد ما شافت الناس
الموت بعيونها.
الأحبة تتلقاها
تطلع..
تتقالد الناس واللي عادوا
بالدموع وزغاريدها تسمع..
والبنيات الصغار
مسرحن ليهن الضفائر
و وجوهن بالفرحة تلمع..
يجروا مشتاقين عليهم
كل خطوة من التانية
اسرع..
لما نرجع
وتتفتح من تاني
البيوت
تتنهد الجدران والنوافذ
لأصحابها بسعادة تسمع..
النخل يخضر من جديد
ثمارها من بين الخضرة
تطلع..
كانت الأحياء مثل المقابر.
هجرتها الناس
إلا من جاسر وصابر.
ريحة الدم والنار والموت
تفشت.
ساقت الناس للمهاجر.
حترجع الناس لي ديارها
لو ما الليلة باكر..
طبل العز يا عزه دقي.
و زغردي للفرسان وهزي
نضفوا الخرطوم من كل
غادر..
بالمجاهدين و المقاتلين
و العساكر..
من كل دعامي و عميل
و الخان بلادو
و المعتقد في كل ساحر..
أنهضي من تاني قومي
يا بلد العزاز الأكابر..
الخزي و العار للنهابة
القتلة الفجار الكوافر..
لن تعودوا ليوم البعث تاني
يا من لا تشبهون الحوآضر..
سامي الشاعر.
بورتسودان 21/7/23
