عبدالرحمن دقش.. يكتب : كل الزوايا : ( والي ولايه الخرطوم .. اوقفوا كشات ستات الشاي !!)
* يا والي ولايه الخرطوم المكلف ( احمد عثمان حمزه ) بالامس جاء الدكتور كامل الطيب ادريس رئيس مجلس الوزراء الانتقالي الخرطوم و( حام ) معك علي الولايه بعد تدميرها وهدمها من مليشيا الدعم السريع والجنجويد والمرتزقه وبعد قليل سوف تعود كل الوزارات من بورتسودان وكمان ان الفريق اول ركن عبدالفتاح البرهان رئيس مجلس السياده الانتقالي قد وصل بالطائره مطار الخرطوم الدولي !!
* من المؤكد بعد زمن قصير سوف نشاهد الخرطوم في عزتها وروعتها وجمالها المعروف وبالمناسبه. يا والي ولايه الخرطوم المكلف لقد شاهدت في كمبالا. عاصمه يوغندا السوق الكبير الذي هو صوره طبق الاصل. لمحلات ( سعد قشره ) بالخرطوم بحري وحتي اصحاب المحلات بالسوق اغلبهم من اهل السودان النازحين. بعد حرب 15 ابريل 2023م اللعينه !!
* ما اود ان اقارنه بين الخرطوم وكمبالا. هو عن المواصلات واشياء اخري وسريعا كدا. انني في كمبالا لم اشاهد ( الركشات ) البته في مجال المواصلات بل كان البديل عن الركشات هي مواصلات ( بودا ) وهي عباره عن ( الموتررات ) وهنالك موديلات سيارات ( التاكسي ) ولكن استخدام ( بودا ) بدرجه مبالغ فيها وتصل الي المبالغه في اعدادها. !!
* استخدام ( بودا ) او ( الموتررات ) لا يصدق ويستطيع بودا تركيب اثنين او ثلاث من الركاب. ان كانوا كبارا او صغارا. او رجالا ونساء. !! الغريب المدهش ان بودا وقد شاهدت ذلك انه يحمل الدولايب والطاولات والسراير والكراسي وشولات السكر والملح وما شاكل ذلك !!
* للعلم ان ( بودا ) لا تنفذ فيه حالات المرور في اشارات المرور الحمراء ولهذا فهو الاسرع في حالات المرور وبالطبع تتوقف السيارات الاخري !!
* شاهدت في مطار كمبالا الدولي ان معظم القادمين ومن المطار يفضلون ( بودا ) لسرعتها وان من المطار الي داخل كمبالا يستغرق ساعه كامله للوصول !!
* يا والي ولايه الخرطوم المكلف احمد عثمان حمزه لم اشاهد ستات الشاي في كمبالا ولكن ستات الشاي بولايه الخرطوم كانوا قبل الحرب في ( كشات ) ولهذا نطالب والي الخرطوم ايقاف الكشات التي لا تستند علي واقعيه وهي بلا امانه وصدق وكانت قبل الحرب المطارده والزجر والعقاب ومصادره معدات الشاي او التكسير وكانت الاعمال الوحشيه لا تستند. علي منطق ومن هنا نرفض الرقص علي حبال الكشات !!
* يا اخانا. احمد عثمان حمزه والي ولايه الخرطوم المكلف لاعمالك النيره التي لم تتوقف اثناء حرب ابريل 2023م نطالب كامل ادريس ومعه وزير الحكم الاتحادي بالحكومه ان يبقي الوالي احمد عثمان حمزه هو واليا علي ولايه الخرطوم ( العديل ) عند تشكيل ولاه الولايات. لانه برهن علي اصول الوطنيه والامانه والصدق خلال الحرب وكان هو الوالي المتميز الفريد الذي يشار اليه بالحكمه والدقه والعزه والاعمال الصالحه من اجل الوطن ولهذا نكرر النداء ليبقي هو واليا علي ولايه الخرطوم ( العديل ) خلال المرحله. ( الجايه ) من الحكم !!
* احكي لوالي ولايه الخرطوم ( العديل ) احمد عثمان حمزه. حكايه ( خديجه قرنفل ) ست الشاي المشهوره بالسوق العربي بالخرطوم وقد كانت في مقعدها الثابت القوي لعشرات السنوات داخل السوق العربي ورغم ذلك واجهت الكشات ولكن الذي لمسته كصحفي اعجبني ان المناضله خديجه قرنفل كانت تجد السند من كل اصحاب الدكاكين داخل السوق العربي لان الجميع يعرفون انها تكابد بالنهار والليل من اجل اولادها وبناتها. وقد تخرج اكثرهم من الجامعات ولا تزال تواصل النضال والمعارك ولكن لماذا سميت ( خديجه قرنفل ) ؟!! كان لسبب واحد ان الشاي عندها اكثر حلاوه بالقرنفل !!
* نقول هنا متي تختفي الكشات ومطارده ستات الشاي وانه الرقص علي حبال الفساد ؟!! لقد سمعنا قبل الحرب ان اغلاق اماكن ستات الشاي بشارع النيل بالخرطوم سوف يتم اغلاقه وانها الطامه الكبري واهل الخرطوم تستفسر من هو هذا الرجل الذي علم السحر والرقص علي حبال الكشات ؟!! ومن هو الذي اشار لعاصفه الحزم من الكشات. وان تضرب وتهدم وتكسر اماكن ستات الشاي بشارع النيل بالخرطوم ؟!!
* اهل الخرطوم في حيره من تنفيذ الرقص علي حبال الكشات وثم يا معتمد محليه الخرطوم الي اين المطاف بعد اغلاق. اماكن ستات الشاي بشارع النيل ؟!!
* نقول لوالي ولايه الخرطوم ( العديل ) ان ستات الشاي بشارع النيل بالخرطوم علي انواع وشكليات متنوعه من غرب السودان ومن شرقه وهنالك نساء اجنبيات وتعدد الاشكال وهنالك اشكال وجوه ستات الشاي هي التي تجذب الناس لشراء الشاي والقهوه !!
* ان عمل ستات الشاي فيه الارهاق والتعب والمشقه من الصباح حتي اخر الليل وبعد كل ذلك يحدث هجوم عاصفه الحزم من الكشات لتدمير مستقبل اجيال ستات الشاي. !! هل فكرت محليه الخرطوم بعد هدم اماكن ستات الشاي بشارع النيل البحث عن اماكن اخري بعد الضربات الموجعه ؟!!
* نؤكد لوالي ولايه الخرطوم ان ما كانت تدفعه ستات الشاي لمحليه الخرطوم من اموال وبلا مستندات كان كافيا في بناء المدارس بما يدفعن وما كانت تضيع ولا تقدر بالتي هي احسن ولكن في النهايه تظهر الكشات ولهذا يا والي ولايه الخرطوم ( احمد عثمان حمزه ) نطالبكم ايقاف كشات ستات الشاي بولايه الخرطوم !!!
