مساحة للكلم
سامي مصطفى أمين يكتب :
موسم الهجرة للوطن
موسم الهجرة للوطن
ستفوا الاشواق في القلوب. حزموا المشاعر شقوا
الدروب..
ركبوا عايدين للوطن.
زرافات وأحاد متراصة..
الناس راجعة للبلد..
لكل أصقاع البلد..
حبها جواهم في كبد..
ما نزحوا إلا.
عشان أوباش دخلوها
خلسة..
دخلوا البيوت.
فزعوا الناس والناس
نيام
لا بإيدها (كلاش)
لا لابسة (بوت)..
قصدوا المواطن.
و البلد..عملوا فيها
كارثة..
سنتين شتات.
في كل المدن
وفي خارج البلاد.
إستنفرت الناس وهبت.
دآرت الدائرة عليهم
حرروا كتير من مدن..
و الباقي شوية لسه..
باكر تعود.
تدخل الضل باقي المدن.
الناس تعود.
بس ما حتنسا.
الفعلوا فيهم الأفاعيل.
حتنتقم.
أقسمت على الكتاب
بخمسة..
الويل و الثبور
لمن فعلوا الشرور
بكل زول
لقوا فيهو فرصة..
زحفت جحافل
تدك الحصون.
لكردفان
لدارفور .
لن تبقي ولا تذر.
لامن لاخر شبر..
تنتصر وترسى..
ليعود السلام
و ترفع القوات التمام.
ترجع الناس في أمان
تصبح وتمسى..
يسطر التاريخ
أمجاد لنا.
في كتاب.
من الف صفحة..
سامي الشاعر..
