سامي مصطفى أمين يكتب:خلينا نفك الكتمة نخلي الفرحة تخش

مساحة للكلم

سامي مصطفى أمين يكتب:خلينا نفك الكتمة

نخلي الفرحة تخش

خلينا نفك الكتمة

نخلي الفرحة تخش..

زي فراشات متهافتة

على ثغور الزهور

عند الشروق بتبص..

زي مطيرة غزيرة

ساعة الهجير

بترش..

على وجوه شفع

حلوين مبتهجة.

باللعب في الطين

الأم تنادي خلاص…

يا ولد يا بت خش..

قلنا نفتح طاقة

نشم نسايم الريد.

نرسل رسايل شوق

لزول لينا بريد.

في لمح البصر من هاتف

تصلوا سريع في الإيد..

ما زي زمان ورق وظرف

و طابعة بريد بقرش..

أيام ليهو تسافر.

إحتمال تضيع وطش..

قلنا نثير البهجة

نقتل قساوة الوحدة.

نلاقي العزاز في الميديا

نصبح عليهم ونمسي.

نقول..(والله مشتاقين.)

ياريت نشوفكم هسي.

تجونا داخلين تووش..

قلنا نطرب ونسرح

مع أغاني زمان

نهديها للسمعوها

و رقصوا معانا زمان.

مع بعض أكلنا أحلى طعام

بووش و Fish..

قلنا نهنئ بعض ونواسي

تجمعنا شاشة صغيرة

ومشاعر خوة وحب.

ذكريات مافي مثيله

أملنا يوم نتلاقى

لوصدفة وش

لوش..

سامي الشاعر.