سامي مصطفى أمين يكتب : يا بلد… إشتقنا ليك..

مساحة للكلم

سامي مصطفى أمين يكتب :

يا بلد… إشتقنا ليك..

يا بلد…

إشتقنا ليك..

لا بإيديدنا ولا

بإيديك..

بس ظروف

حكمت نفارقك..

ما قدرنا..

نبقى فيك..

طال فراقك

ماعدنا ليك

نحنا حاسين

بي أسى..

حزنا شديد

حزن يعقوب..

على العزيز.

وضيق..

نتمنى يوم

نصحى فيهو..

نلقى نفوسنا

في بيوتنا ديك..

أو ظروفنا

تسمح نعود..

في ليلة قدر

ترجعنا ليك..

من ما فتنا

حيطان بيوتنا.

بتسأل..

والشوارع والأزقة

والشبابك

بتفتش عن خطاوينا

بتسأل متين رجوعنا

ليك..

كل حبايبنا

محل تلاقينا ..

تتحسر لحالنا.

وتحكي أسانا

والبقت فينا.

والبقت فيك

والله يا وطني

الحبيب

عشان ناس

ليك خانت؟

والوطنية

عليها هانت

وربنا عشان

بحبنا..؟

بفراقك إبتلانا

وبحرب مبتليك..؟

رضينا بأقدارنا

بس..

نتمنى تاني ..

أياما جميله

تجمعنا فيك..

(يارب قريب)

عود لينا يا

ليل الفرح

نشرب من النيل

الحبيب

نفتح بيوتنا

و شبابيكنا

تاني.

وتتحقق أماني.

نرجع نجيك.

سامي الشاعر.