مساحة للكلم
سامي مصطفى أمين يكتب :
إكتسح النيل
و القاش.
الضفاف..
قام فوق
لملموا العفش
الناس الخفاف..
..دقش البيوت
دخل الغرف
ضيفا ثقيل.
مافي زول
ليهو إستضاف..
فزو الحريم
شالوا العيال.
ترسو الرجال
بس الترس
نفسو قصير.
أبقوا مارقين.
خلو المتاع
حتى اللحاف..
الجات من السماء.
بتحملها الواطه.
بس النفوس
يا نيل وقاش.
عليها خاف..
بارك الله
في من زار وخف..
خليك يا نيل.
هدي يا قاش .
ضيفا خفيف..
زي حاج تعجل
بعد الطواف ..
أجري
يا نيل الحياة.
أهب الحياة.
لكل جرف
عطشان وجاف..
باكر الحقول
بالخير تثور
خضرة وثمار.
تغنينا من
عيشة الكفاف..
سودان مغسل نضيف
من دنس الخيانة.
ورمم الملاقيط
بعد الخريف.
يجمع الناس النضاف..
سامي الشاعر..
