مساحة للكلم
سامي مصطفى أمين يكتب :
جدع بالمسيرات
جدع بالمسيرات
ذي الدقوهو.جرى يبكي.
وبقى يجدع بالحجارة..
كل ما يجو عليهو
يعرد ينبذ. مامركز.
عدمان الرجالة..
مرقوه من الخرطوم.
من الجزيرة.من سنار.
من جبل مويه.
كنسوه.سكوه للنهود.
لبارا..
لا مركز.لا قادر يركز.
رامي خلف.
داخلين بيهو دارفور.
عاصرينه بعصارة..
لا مسيرات بتحلك.
جدع جاينك.في محلك.
بالف غارة..
الزمن الإضافي معاك انتهى.
(الكاهن) ماسك الصفارة..
ارفع يديك سلم.
اعترف بالخسارة..
شيطانك فتر منك.
خيبت ظنه في الإمارة..
هزمناك بغبينة.بجسارة.
الموية ما ترجع لمجاريها.
دفعنا.دماء.ارواح شهداء.
البلد دماره..
الا تموت وناخد للحراير
وللبلد تارا..
جدع بالمسيرات .
لاحقنك للجنينة لبابنوسة
لنيالا..
الفاشر.(شنب الأسد)
حقرت بيك حقارة..
باكر تخش الضل.
يتفكا حصاره..
الدلنج وكادقلي
رهن الإشارة..
صيج وعرد وشتت.
وجدع بالمسيرات والحجارة..
سامي الشاعر.
