مساحة للكلم
سامي مصطفى أمين يكتب : شايلين دموعنا في عيونا
ونحن راجعين لبلدنا.
طينة أبونا وأمنا.
نبكي بس.
لامن تلامس أقدامنا
ترابها.
نسجد شكر لربنا.
ماهي الكرامة هي الأمان
الحنان.
الضل التحتو من ما
قمنا بلمنا.
يا حليلك يابلدنا
ماتهنينا في شتاتنا.
في غربتنا.
مابيدنا.
الليله راجعين
بعد سنين.
نفتح الأبواب نعانق الجدران .
نغني..
(طال علينا فراقكم والله يا غالين).
جيرانا وحبايبنا وأهلنا.
مافي عيشة بلاك بتبقي
مافي ريد مافي هناء.
رجعنا تاني
نشتل أماني
نسقيها من باقي عمرنا.
العود أحمد
الدرب أخضر.
النصر لنا..
سامي الشاعر..
