لأول مرة يحدث إختلاف علني بين بعض أعضاء لجنة القرية. وود البرعي وشيخ إدريس وسيف الدين، وإسماعيل رمضان من جانب ، وبقية الاعضاء ، وذلك لأن تقرير لجنة استيعاب النازحين كسكان في القرية …! ؟
اعتمد تقرير اللجنة علي المؤشرات الآتية :
اولا بيع اراضي القرية للقادرين من النازحين وذلك بعد تقييم الارض بواسطة اللجنة
ثانيا : منح النازحين قطع ارض برسوم رمزية ( وحددت اللجنة الميدان الكبير شمال شرق القرية
ثالثا : حث الأسر علي المساعدة بمواد بناء .. الخ
رد بدر الدين المحامي علي جملة التقرير، وفنده فقرة فقرة ..!
_ اولا البيع لا اعتقد ان هناك شخص يبيع بيته في هذه القرية، غالب المواطنين فقراء ومرتبطين بأسرهم هنا ..!
ثانيا : نعترض على منح النازحين الميدان ( ميدان ساتي) (وهي عبارة عن مزارع عرفت بإسمه لكن تمدد القرية حولها لميدان ولم يسكن بعد ..)
هذا الميدان يمثل امتداد لهذي القرية، واولادنا الشباب الان يسكنون معنا ، والاولوية في ميدان ساتي لاولادنا الشبان هم احق من غيرهم
نمرة تلاتة ياتو اسر تدعم النازحين في بناء بيوتهم؟
كلهم فقراء هههههههههه الا كان ود البرعي ونفرين تلاته …!
عشان كدي اقترح رفض التقرير تماما
غايتو دا ملخص رؤيتي كاملا …
رد ود البرعي قائلا:
_ أخوانا الاعترضوا بقيادة استاذ بدر الدين المحامي ونشكره لرايه الجميل ، وهو يضع رؤية لمستقبل شباب القرية ً… لكن ما ممكن نقول لي نازحين جونا واكرمناهم حسوا بسخاء قريتنا، حبوا يشاطرونا السكن .. اصلا مستحيل تقولوا ليه لا .. ؟
انت كدي بتكون طردتو …
انا مؤيد كلامك لكن ندي اللجنة فرصة تانية ويضاف ليها بدر الدين ذاتو، ويدخل معاهو عبد الكريم والتجاني ويفكروا في حلول جديدة ويقدموا تقريرهم …!
. tofyjpir0@gmail.com
