دعا العمدة سعد ود البرعي وشيخ إدريس, وممثلين لكل قري القطاع الغربي الريفي، دعاهم إلي اجتماع موسع بحضور نائب المحافظ ، والمدير التنفيذي للمجلس ،وأبتدر حديثه قائلا :
ـ السلام عليكم ورحمة الله جميعا ، حلا لمشكلة العطالة لجنة قرية ود المبارك إقترحوا حل , وحاج حسين ود البرعي اتبرع بمبلغ عشرة مليون جنيه وافقنا علي العرض واتبنيناهو واعتبرناه حلا عام لكل شباب القري ، وهو كالآتي :
بس في حاجة مهمة المشروع شراكة بيناتنا الدولة ممثلة فينا ، والمجتمع ممثل فيكم ونكرر لازم كل لجنة تدفع جعلها وسهمها ، بتأخر سهمك حقك بنقص ويضيع.. المشروع هو سوق مفتوح في كل قرية
يقتضي المشروع توظيف شبابنا في سوق مفتوح يبيع كل المواد والسلع الغذائية الأساسية ، والسلع الدوائية ، والاسببرات الخفيفة ..!
نحن كمجلس حا نشتري من مصانع الموجودة في حيزنا، كميات كبيرة بسعر قليل نسبيا، ونصدر أوامر محلية لكل المؤسسات الٱدارية المخول لينا الاشراف عليها بما يدعم مشروع السوق المفتوح دا …
أي لجنة عجبها السوق بتدفع لينا تدفع براها عشان توسع سوقها وتستوعب شبابها طبعا تحت إشرافنا المباشر .. !
تحدث غالب الحضور مؤيدين ومشيدين ومناصرين …!
طالب صالح عيسى رئيس لجنة قرية العشائر تنفيذ المشروع فورا وقال إن قريته تعاني من العطالة بشكل كبير، وقال إن سهمهم جاهز ..!
بعض رؤساء لجان القري الأخري طالبوا بالانتظار قليلا حتي يجمعوا ما عليهم من إلتزامات ..؟
قال ضابط اداري :
ـ أنا شايف في قري جاهزة طوالي تبدأ .. !
صج الحضور بالرفض وآخرون وافقوا …!
ود البرعي حسم الأمر بقوله :
ـ يا اخوانا نحنا صبرنا الزمن دا كلو نصبر على أخوانا ونمهلهم شوية ما دام رئيس المجلس ذاتو أعلن انحيازه المشروع نديهم عشرين يوما بعد داك نبدأ …!
أها قلتو شنو !؟
tof123@gmail.com
