سامي مصطفى أمين
انتصرنا و بكرة أحلى
انتصرنا وبكره أخلي
نحن لازم بكره
نرجع.
و ما نزحنا إلا
نرجع.
ما السودان في
قلوبنا
في عيونا.
وين نزحنا
قلوبنا توجع
عيونا تدمع.
و الله مكلومين
شديد.
علي بيوتنا
و سودانا أجمع.
ما بنبدلو
حاشا..عيب
مني أسمع.
هو لونا
هو لسانا
هو توبنا
هو أجمل ما في..
دنيانا أروع.
راجعين و حاتك
يا بلدنا.
و العود أحمد.
ما الشمس
بتغيب و تطلع.
انت أمنا
انت ابونا
انت ضلنا.
فيهو نرتاح
نستكين..
و نهجع.
انت نيلنا
و نخلينا.
لالوبنا
و تبلدينا.
وبحرنا
و جبالنا
انت أروع.
بكره راجعين
بكبارنا.
بنساوينا.
و معانا شفع.
أعفي لينا يا بلدنا
ما رحلنا ما نزحنا
إلا عشان
كنا حالفين
تاني نرجع.
إنتصرنا و بكره
أحلى.
و شايفين ناس
راجعة هسع.
*سامي مصطفى أمين*
