سامي مصطفى أمين يكتب … مساحة للكلم السفر البعيد 

مساحة للكلم

سامي مصطفى أمين يكتب :السفر البعيد

دآير أعيش يا بحر

وأخلي المراكب والسفر

وأتوب من الغربة و بلاد.

وناس قلوبها من حجر..

دآير أعيش ي بحر.

دآير أعيش فوق جزيرة

و أعاين المراكب في مسيره..

و أجتر رحلاتي العسيره.

وأحكي العجائب للبشر..

دآير أعيش يا بحر..

أمرق من الموج العنيف

و ألملم شراعي خلاص أقيف.

ما العواصف في الخريف

ما بترحم في البحر..

دآير أعيش يا بحر

ما كفايه الشفتو ويل

لما تهته زمان في ليل

ما قدرت أرجع للقبيل

و شقيتو موجك في خطر..

دآير أعيش يا بحر.

فيك كملت سنين

للوطن قاتلني الحنين

ما الغربة طالت كالسجين

كفايه ضاع فيها العمر..

دآير أعيش يا بحر

يا بحر أنا تاني جافي

ما الليله حطيت في المرافئ.

و ضل وطني لقيتو دافي

خليتو دربك و السفر.

*سامي مصطفى امين*

*بورتسودان1988*