لا بتشجبي لا تستنكري
خايفة من منو؟؟.
طيب.
لزومك شنو؟
لا بتقدمي معروف!
كل واجب بتأخري!
الراجيك منو؟
ما صدر يوم
منك قرار
أثلج.
صدر شعب
عربي مظلوم.
إنتي نصرتي؟
(عربية جامعة)
بس إسم؟
إجتماعاتك فشنك.
أحلف قسم.
خليك مرعوبة
متبلمي.
سودانا ما محتاج
منك قرار
عارفين السايقك؟
وراء الستار .
إجتمعي وإنفضي
وفرتقي..
نحن غلطانين
كان عشمنا فيك.
بعد.
خزلتي (غزة)
ونصرتي ناس
(جبل علي)!
(عربية جامعة)
ده طرفنا منك.
شعبنا متبري منك.
بكماء لا بتمتعضي
لا بتبشري..
(نحن من نفر
عمروا الأرض
يذكر المجد
كل ماذكروا)
ده ماسمعتي؟؟
خليك في حالك
نحنا قآدرين.
ما محتاجين
قرارك .
إنشاء الله (بن زايد )
دوام يسكتك
يدلك.
بنرمي قدام
نسحق عدونا.
نرفع لقائدنا
التمام.
لا جي تباركي
لا تنافقي.
يوما داك
إستحي.
(عربية جامعة)
قآل…
سودانا سود إسود
نحنا.
عبرنا في تاريخنا
كل محنة.
شعب معلم.
من بطولاتنا
ياريت شعوبك
تعلمي..
ومن مخازيك
تتعلمي.
سامي الشاعر.
