*** ***
كم حكايات زمان روينا
وكم ضحكنا..وكم بكينا
والصبر..ضمدنا بيهو
جراحات بيها ابتلينا
وابتساماتنا مارقه مننا
رغم اننا .. نحنا انكوينا
وما ابينا..نصالح نفوسنا
ورضينا بالمقسوم علينا
ما اشتهينا..
الا نسعد ال شلناهم في
عيوننا وضميناهم بين
ايدينا.
وماعلينا..
الا لما تنوم عيوننا نحلم.
بكل زول مشتاق الينا
نحنا ناس دنيانا دارا
بابها..
ما بنقفلو بايدينا
والشموع في الضلمه نوقد
عشان التايه ما يفتش علينا
وما بنحب في غنانا
إلا..(تاني ما تقول إنتهينا)..
سامي الشاعر.
