نحن كم
كم حكاية زمان روينا
وكم ضحكنا..وكم بكينا..
والصبر..ضمدنا بيهو
جراحات بيها أبتلينا..
وأبتساماتنا مارقه مننا
رغم إننا .. نحنا إنكوينا..
وما أبينا..
نصالح نفوسنا.
ورضينا بالمقسوم علينا..
ما إشتهينا..
إلا نسعد الشلناهم
في عينينا.
وضميناهم بين
إيدينا..
وما علينا..
إلا لما تنوم عيونا
نحلم.
بكل زول مشتاق لينا..
نحنا ناس دنيانا دار
بابها مفتوح..
مابنقفلو بإيدينا..
الشموع في الضلمه
نوقد.
عشان التايه يعود
ما يفتش علينا..
وما بنحب في غنانا
..إلا.
(تاني ما تقول إنتهينا).
سامي الشاعر..
