وعشت بعيد بعاني
لاحب لا نغم..
وين يانور عيوني
كم طولنا كم..؟
من ربوع وديانك
كم مره علينا حول.
شهور مره خالية
من طعم السرور.
كل ما سمعنا رادي
وفي الشاشات..
خبر شين من أعادي
ما أتمنيت يكون.
أقول ياريتو وطني
تختاهو الشرور.
لو كان التمني
التمني..
بينفع كل حبيب
ما كانت غربتنا
بقت قسمة ونصيب.
ولا عاش حد نازح
أو لاجئ غريب.
لا تسأل سوداني
كيف عينهو بكن.
يوم ودع بيتو غادر.
ولازمو قلبه الشجن.
باكر وطني حبيبي
بذكرنا الزمن.
سنين عشناها مره
أحزان و محن.
حتعود سودانا تاني
ونرجع ليك تاني.
وللعشاق وطن.
سامي الشاعر.
