كل الزوايا.
عبدالرحمن دقش يكتب ( والي ولايه الخرطوم خليك مفتح من القمامه !!)
* بالمناسبه يا والي ولايه الخرطوم المكلف احمد عثمان حمزه ثبت اثناء حرب 15 ابريل 2023م وشرعا وحقيقه انك والي ( عشره علي عشره ) ورجل أعمال فريد النوع وكانت الناس تشاهدك تحاول علاج التدمير بروح نضاليه وتسعي في جمع القمامه وحرص الحكومه اصلاح ما يمكن اصلاحه بعد التفكيك الذي يحدث ولم يعجزك الوقوف معه !!
* انت عارف يا فخامه الوالي احمد عثمان حمزه لو تواصلت بتلك الروح الوطنيه سوف نضعك في قائمه ابطال السودان الشرفاء وكمان يسفرك البرهان الي المانيا حتي تري عظمه وسمعه ما عملته المانيا مع القمامه !!
* هنا سوف نشرح لوالي ولايه الخرطوم ما قامت به دوله المانيا وفي البدايه ازاله القمامه والنفايات وادخالها في حاويات بطرق متنوعه واستلمت الشركات التنظيم والاعداد لمحاربه القمامه !!
* بعد نجاح الشركات في الجمع المنظم قررت الاستفاده من القمامه نفسها وبالفعل وصلت ارباح القمامه 100 مليار دولار في العام واخذت ترتفع ووصلت الارباح الي السماء واصبح سعر طن القمامه 100 يورو !!
شركات ازاله القمامه تطورت بسرعه نوعيه وقد انعدمت وانتهت في ألمانيا !!
الذي حدث في المانيا ان الشركات تعبت من شراء القمامه منها لان البلد اصبحت نظيفه بدرجه مذهله ولم تجد النفايات والقمامه ولهذا لا حل الا تستوردها من جيرانها وبالفعل صارت تستورد القمامه من دول السويد والدنمارك والدنمارك وايطاليا وهكذا في المانيا كان لابد من الاستفاده من شركات ازاله القمامه وتصنيع القمامه نفسها وهذا ما رفع اقتصاد الدوله. !!
يا اهل السودان ويا والي ولايه الخرطوم المكلف احمد عثمان. حمزه لعلمكم ان المانيا ومن القمامه والنفايات استطاعت اعاده تدويرها لتصبح من المواد الناجحه النافعه !!
* المانيا استطاعت المحافظه علي القمامه في مجالات. عديده ومنها حرق القمامه التالفه وتوليد الطاقه منها واما قمامه بقايا الطعام فقد تم تحويلها الي اسمده زراعيه عن طريق الشركات المحاربه للقمامه والنفايات. والان يا والي ولايه الخرطوم هل هناك ذكاء اكثر ما فعلته دوله المانيا ؟!!
* دوله المانيا كانت قد تعاونت مع الشعب من سكان المنازل وقد قامت بتوفير اقسام القمامه امام المنازل. وهي اربع حاويات ومنها القمامه البلاستيكيه ويستلمها اصحاب الشركات لوضعها في الصناعه وهنالك حاويه الكرتون وترسل للمصانع لصناعه مناديل الورق وتصدر للخارج واما حاويه معدات الكهرباء المرميه في الحاويات فهي يتم اعاده صنعها كمواد كهربائيه والرابعه من الحاويات فهي للزجاج المكسور ودي يتم اعاده تجميلها وتصبح صالحه للبيع !!
نطالب والي ولايه الخرطوم المكلف ومعه خبراء هندسه الذهاب الي سفاره المانيا في بورتسودان ومعرفه المزيد عن القمامه حتي يتم تنفيذها في ولايه الخرطوم !!
* يا والي ولايه الخرطوم المكلف سوف تسمع من سفاره المانيا الكثير المثير وربما يكون الوصف والخبره يمكن احضار الماكينات والحاويات والمعدات الاخري من المانيا وبعدها تصبح ولايه الخرطوم في صوره جديده وكله من خدمه القمامه !!
* عندما مشينا مع حكايات الشركات في المانيا التي حاربت القمامه والنفايات واستفادت ماليا وارتفع اقتصادها بل كانت تستورد القمامه لمزيد من صنع المعدات !! من المؤكد ان ولايه الخرطوم تفيض بالقمامه والنفايات ونجدها امام المنازل مشتته وفي الشوارع وفي كل الاحياء ولا نسمع غير كلمات الشوارع ( وايه القرف دا ؟!!)
* الذي يذكر وقبل ان نعرف ما قامت به المانيا مع القمامه وكنا طالبنا حكومه ما بعد الثوره ان تنظم حالات القمامه في الاحياء لانها بلا حاويات كافيه وكانت ترمي في الشوارع وقد ازعج الاجانب ولم ينظر الي كلامنا وكانت معامله لا يصدقها العقل والمنطق !!
* اما الذي حدث عن القمامه فكان قرار ( الفكي ) جبريل ابراهيم وزير الماليه. بحكومه حمدوك الثانيه وكان القرار ( الملتوي ) الاعرج وقال فيه ان تظل النفايات مربوطه مع فاتوره الكهرباء والمياه. !!
* يا شعب السودان المكلوم ( شايفين ) القمامه في المانيا كيف تحترم وفي السودان تظل في العراء والشوارع وداخل وخارج المنازل وفي كل الاحياء ( بره ) الحاويات او ( البراميل ) الملفوفه وبالفعل القمامه في السودان من اليتامي !!
* يا والي ولايه الخرطوم المكلف احمد عثمان حمزه نطالب وضع القمامه والنفايات في اماكن منظمه لان الذي لمسه الشعب ان داخل الحاويات تجد الاوراق والخشب والسلاسل والزجاج. وحفاظات الاطفال والمناديل ( العفنه ) وبقايا الطعام وفي اشكالها المتنوعه و..و..و.. !! ودا كله في حاويه مليانه من تحت الي خارج الارض !!
* نطالب والي ولايه الخرطوم المكلف ان يتم تنظيم الحاويات وفرز انواع القمامه بدرجه معقوله وان يكون فيها الدقه وبشكل واضح ونضيف للوالي يجب محاسبه من يلقي القمامه خارج الحاويه ودا يفعل في كل الاحياء وكثيرا من الذين يركبون السيارات وامام الحاويه يتم قذف اكياس القمامه وهم داخل السيارات !!
* يا والي ولايه الخرطوم المكلف احمد عثمان حمزه نتمني ان ( نقلد ) المانيا في محاربه القمامه والنفايات حتي تصبح الخرطوم الاولي في نجاح معامله القمامه وبعدها سوف يرتفع اقتصاد الدوله الي السماء وان شاء الله نستورد القمامه من دول الجوار لمصلحه وطنا السودان !!!
