مساحة للكلم
سامي مصطفى أمين يكتب :ما بنرضى للسودان مذلة
ما بنرضى للسودان مذلة..
نعيد تعميره بسواعدنا
بعرقنا متكلين على
(الله)..
لا مشاركة في مصانع بكباري في مطارات ما
بنرضى..
لا مساعدة بغرض في
(نفس يعقوب)..
يعلم بيهو (الله)..
بإبتزاز عشان ظروفنا
نقبل بذلة!..
حررناهو بدماءنا
بشهدائنا.
بصبرنا سنتين وأكتر
خلاص قربنا..
للفاشر لنيالا
زالنجي و بابنوسة
و كردفان الغرة..
لأم دآفوق
الغرب كله
حلة حلة..
بلدنا مجبورين عليها
(بلدنا نحنا نتحدابا
منو البلد البتشبها ياتا؟)
بلدنا حرة..
دماء شهداءنا ما بنبيعها
والغالي والنفيس بعد
صبرنا..
بعد ما لبنت نديها؟!
الطير..
وتاني نأكل في خاطرنا!
نبنيها برانا
بشبابنا بعلمائنا
بعرقنا.
..عمرنا بنينا دول
من قبل بره..
(حنبنيهو البنحلم بيهو
يوماتي)
ضلنا عزنا.
أمنا و أبونا..
ثرواتنا تكفي وكمان
بتوفي..
نبنيهو من جديد
(سودان جديد.)
عزة وكرامة.
شعب معلم يعلم
(الله)..
( بلدي ياحبوب.
يأبو جلابية و توب.
و سروال ومركوب.
وجبة وسديري.
و كمان ( على الله)..
ما بنقبل عليهو نساوم.
خلونا في حالنا.
قادرين نعمرو
نقاتل نقاوم.
و(يفتح الله)..
سامي الشاعر..
