مساحة للكلم
سامي مصطفى أمين يكتب :
عزة وطننا محال تموت
ما طال في الروح نفس
عزة وطننا محال تموت..
ما طال في الروح نفس.
شايلين كلاش لابسينو
بووت.
راكزين نداوس كل عدو
نمرقو من كل شبر.
دخلوا غدر ومن البيوت..
سودانا ما ليبيا ويمن
لا سوريا لاصومال مقسم.
لابننهزم لابتقسم
إلا بعدنا الشفع و النسوان تموت..
سودانا مقبرة للغزاة
البدخلوا..نضايرو رماد
و هبوت..
نخليهو عبرة لمن إعتبر
تاريخ مجيد كتبوه الجدود..
أبادامك وبعانخي
كوش ونبتة.
إهرامات كرمة و المصورات
شهود..
ما طال في الروح نفس
عزة وطنا محال تموت..
جيش و شعب وآحد
نكون
نكون أو لا نكون.
ساعة الحارة مصنددين
جنود..
يوم الخيل عركسن فاكين
اللجام..
حالفين ناخد تارنا أو لا نعود.
أسياد و ساده أولاد ملوك.
كريمين وطيبين شجعان
أسود..
سودانية سودانه محمصين.
خدر وحمر وسود..
القومية تجمعنا بدون
قيود.
لابينا خاين ولا حسود..
كل الوطن يسعنا كلنا.
كل زول ليهو فيهو عود..
نفديهو بالغالي والنفيس
دون عزتو جاهزين نموت..
ما طال في الروح نفس
عزة وطننا محال تموت..
سامي الشاعر..
