عبدالرحمن دقش يكتب: كل الزوايا: ( دا كلو كمان عاوزنا نسكت يا والي ولايه الخرطوم ؟!! )
* لقد سبق ان قلنا ان والي ولايه الخرطوم المكلف. احمد عثمان حمزه خلال ايام حرب 15 ابريل 2023م لم يقف من ( الحوامه ) حول المناطق والمعروف ان ولايه الخرطوم باجمعها قد تم تدميرها وتكسيرها واحراقها من مليشيا الدعم السريع والجنجويد والمرتزقه وكانت هنالك الاغتيالات والسرقات والنهب والضرب واغتصابات النساء الحرائر !!
* بعد ما يفارب العامين كان تحرير الخرطوم من بعد طرد مليشيا الدعم السريع والجنجويد والمرتزقه !!
* بعدها كان حضور النازحين الذين هربوا وفروا. الي دول الجوار ووصلوا واستلموا منازلهم المدمره المهشمه المكسره وانعدمت بداخلها معدات المنازل من السراير والعناقريب والكراسي والمرواح والمكبفات والثلاجات !! اما ادوات المطابخ فقد كانت كلها قد سرقت او بيعت في اسواق دقلو !!
* لقد تحدثنا كثيرا عن ضياع المنازل وما فيها للبرهان ولوالي ولايه الخرطوم المكلف احمد عثمان حمزه وقد ازداد الامر خطوره بعد قدوم النازحين وكانت المشاكل كيفيه السكن وكبف يسكنون داخل منازلهم المدمره المهدومه المنهاره وكان ما بداخلها لا يوصف وكانت المنازل كالصحراء الجرداء وغير قابله للسكن !!
* يا والي ولايه الخرطوم المكلف احمد عثمان حمزه وقبل ادخال الدكتور كامل ادريس رئيس مجلس الوزراء الانتقالي. لماذا لم يتم اصلاح المباني المكسره ولو ما يمكن اصلاحه شويه شويه حتي لا نزيد جروح بطون النازحين اكثر ؟!!
* يا والي ولايه الخرطوم المكلف احمد عثمان حمزه بعد الذي شوهد في البيوت والتي تم تخريبها وتكسيرها وليست هنالك سراير النوم والعناقريب وبعد كل هذا التخريب تريدنا منا يا احمد عثمان حمزه والي ولايه الخرطوم المكلف ان نصمت وبعد دا كلو عاوزنا ندخل تلك المنازل ؟!!
* يا تري هل نتوقع من الحاضرين من النازحين بعد الرجعه الي الخرطوم .. انت السماء بدت لنا. ان يدخلوا البيوت في صمت ؟!!
* بعدين يا والي ولايه الخرطوم المكلف احمد عثمان حمزه. لا يمكن ابدا عند حضور اهل الخرطوم من الخارج لا يجدون استتباب الامن وقد عادت ( تسعه طويله ) وتمارس اعمالها القذره في وضح النهار وهنالك جماعه القنقزر الخونه وقد اغتالوا صاحب الدكان في حي ابوروف بام درمان نهارا جهارا. واخذوا وسرقوا امواله وهربوا وثم اين الشرطه ؟!!
* بكل وضوح يا احمد عثمان حمزه والي ولايه الخرطوم المكلف ان اهل الخرطوم صاروا يخافون من بعضهم البعض. لان سنده الدعم السريع لا يزال في اجسادهم الخفايا والارهاب. !!
* لقد خاف بعض من اهل الخرطوم التبليغ عن ( دا دعامي ) وصار السكوت هو الافضل. والحامي من الاغتيال وهنا يا والي الخرطوم المكلف ( بعد دا كلو عاوزنا الكلام عن الدعم السريع ) ؟!!
* لا حل للهدوء والامان والراحه والارتياح لمن يسكن الخرطوم الا تحرك والي ولايه الخرطوم المكلف ويتم القضاء علي الامراض التي انتشرت ومنها الكوليرا والملاريا ويمكن اجراء عمليات الرش وثم توفير الادويه لمحاربه الحشرات والباعوضه !!
* عليك يا احمد عثمان حمزه والي ولايه الخرطوم المكلف مقابله وزير الداخليه لتوفير الشروط لقيام الامن الشامل الكامل في كل الاحياء للقضاء علي الجرائم و جماعه تسعه طويله !!
* ثم ماذا عن المدارس والجامعات والامتحانات وهل هنالك اجهزه ومعدات متوفره بولايه الخرطوم ؟!!
* يا والي ولايه الخرطوم المكلف هل تذكر ما طرحته عليك عن محاربه الاوساخ والزباله داخل وخارج المنازل والشوارع ؟!! اذكرك تاني لقد طلبت منك. مقابله سفاره المانيا في السودان وهناك الحل الحازم وهنا لن اقول لك ( بعد دا كلو عاوزنا نسكت ) ؟!!
* طيب يا احمد عثمان حمزه والي ولايه الخرطوم المكلف ماذا عن انقطاع الكهرباء والمياه وهل تحتاج الي مجلدات الشكاوي ؟!!
* صراحه عليك الاسراع في ايقاف العبث القديم ومن زمان الكهرباء قاطعه وحتي في زمن الحريه والسلام ولما جات حرب ابريل 2023م زادت مشاكل الكهرباء والمياه وكمان فيها السرقات والتكسيرات ولكن يا والي ولايه الخرطوم المكلف بعد الاصلاح والتفتيش الدقيق لن تسمع ( بعد دا كلو عاوزنا نشتكي ؟! ) !!
* اخر كلام يا والي ولايه الخرطوم المكلف احمد عثمان حمزه هل تعلم ان اسعار الرغيف قد وصلت السماء ؟! تصور الرغيفه الواحده سعرها 200 جنيه !!
* يعني لا يمكن لعامل او موظف ومعلم شراء 5 رغيفات وسعرها ( الف جنيه ) ودا سببه الرغيفه الواحده من 150 الي 200. !!
* طيب يا والينا بالخرطوم لا يمكن هنا شراء رغيف الغداء والعشاء !! * الدليل القاطع انه مستحيل شراء رغيف كل الوجبات ( حته واحده ) لانها في اجنده وقائمه ( بعد دا كلو عاوزنا نسرق ؟! ) !!
* اطالب والي ولايه الخرطوم المكلف احمد عثمان حمزه ان يراجع كل المواقف الصعبه بالولايه لان كل اهل ولايه الخرطوم في نار جهنم واسمع مني وردد وقول ( لا اله الا الله ولا حول ولا قوه الا بالله العلي العظيم ) وربنا يستر !!!
