لما نرجع.
ترجع أيامنا
تاني أروع.
نرتاح من
السفر البعيد.
نحضن رمال
شط النيل شديد.
نمسح دموع
شوقنا اللي طال.
نبشر ونعرض
ولله نركع.
لم نرجع
تهلل الأشجار
لرجوعنا.
وتغرد الطير
بالبشاره.
مارجع الزول
القيافه.
ويزهر الليمون
والجوافة.
تساقط النخل
رطبا جنيا.
للعادوا بعد ما
نزحوا مسافة.
لما نرجع
نرجع ذي ما
كانت أيامنا أروع.
ومافي حاجه
من الفرحه
تمنع.
كل شتلة
ورد نزرع.
والربيع يخالف
عوليدو.
في عز الشتاء
تاني يرجع.
لمانرجع.
البنيات الصغار.
يسرحن ليهن
الضفاير.
وشفاهن
بالبسمه تلمع.
والف خطوة
زول عزيز.
ترحب بالعايدين
شديد.
وكل خطوة
من التانية أسرع.
وكم زغرودة
فرحة نسمع.
لما نرجع
ترجع الموجه
لضفافها.
والشمس
من الغيمه.
تطلع.
قوس قزح.
يلون سمانا
بيهو تذدان وتلمع
كل زهور
الأرض تتفتح.
والحبايب معانا
تجمع.
لما نرجع.
سامي الشاعر..
