مساحة للكلم
سامي مصطفى أمين يكتب:
ليه دموعك نازلة حسرة؟
ليه دموعك نازلة
حسرة؟
انت ما زولا كلس..
ما تلومني.
أسأل قلبي عنها..
انت ما عايش
الجواي .
والعشتو زمان أمس..
إنت ما بتعرف عني
أكتر.
ما عيب الإنسان.
يبكي يدق جرس..
أنا راجل صحيح.
بس قلبي قلب
شاعر بحس..
بكل شعور حصري
أتأذى منو.
وبمشاعر كل زول
عزيز عليهو.
بوطنو الغالي الجواهو.
لمن يخونوه بعض من
جناهو.
يغدروا بيهو.
يقتلوا شيوخو وأطفاله
و نساءهو..
يغتصبوا حرايرو
يدمروا كل ما بناهو.
بكتب بأسى بعبر
مابدس.
لو فرحة نصر بانت
او سحابة غبينة
دمعة شالت
ما بتتحبس..
أعذرني خليني
أفضفض أتأوه
أبث..
أنفس الحزن
الجواي .
فيهو اذوب
وأنغمس..
ما عيب ما حرام .
الراجل تبكيهو
أوجاعا عظام.
ماهو بشر
من إنس.
القلبو قلب شاعر
ما تلومو.
إنت ما عشت
شجونو.
مابتفهم أسباب
شعورو.
ماعندو حاجة
بتندس.
إبتساماتو ودموعو.
منداحه في مداد قلمو
وعيونو.
مابتتحبس..
سامي الشاعر..
