سامي مصطفى أمين يكتب ::رساله للقادرين 

مساحة للكلم

سامي مصطفى أمين يكتب ::رساله للقادرين

(رساله للقادرين)

مسكين مكرفس

متكئ على كفو..

لا جدران تسند ضهرو..

منتظر شمس الصباح

تضمو تدفئ صدرو..

بحلم بخيالو.

بلقمه هنية تشبعو.

تقويهو تسندو..

برد الشتاء.

بعم بخيرو وشرو..

لا بعرف ضعيف.

أو مشرد لاجئ

لاذ بخيمة تحميهو

تسترو..

أو مسكين ما لاقي

غطاء..

أو سقف من مطر

خايف يبلو..

لو جاهو مرض.

حيسوقو سريع

لحتفو..

يسأل بقلبو.

وأكفو ربه..

يلقى من قلبا رحيم

زولآ حالو يهمو..

الناس الغلابه.

في الشتاء

قارشين الصبر كالجمر.

غطاهم العفاف

مامدو إيدهم ما

إتجرسو..

ياالقادرين

ماتنسوه عاينو.

للضعيف.

أجبرو حاجتو..

لبنا للرضيع..

في الهذيع بشبعو

بفرح أمو..

للشيخ والعجوز

وفر دوآهو

أدفع ليهو قدرو

اسندو..

الناس بالناس.

والبرحم يتيم

والبتصدق على مسكين

مع الرسول مستقرو

وجنتو..

أبذولو في الشتاء.

موسم ثواب لو

تعرفوا قدرو..

ما تتأخروا ما تترددوا.

في سبيل الله لأخرتكم

قدمو وفروا..

الله المستعان.

البعين بعينو ربو.

في الكربات بفرج كربو..

ودمتم.

سامي الشاعر.