يا بلد
إشتقنا ليك..
لا بإيديدنا ولا
بإيديك..
بس ظروف
حكمت نفارق ..
ما قدرنا نبقى
فيك..
درنا ليك من
الحرب السلامة ..
بس طال فراقك
لسه ماعدنا ليك
نحنا حاسين
بأسانا .
حزنا شديد
من البقت علينا.
من العليك..
نتمنى يوم نصحى.
نلقى نفوسنا..
في بيوتنا ديك..
أو ظروف
تسمح نعود..
في ليلة قدر
تعيدنا ليك..
من ما فتنا.
حيطان بيوتنا.
بتسأل..
والطرق بتفتش
عن خطاوينا
ترجع تعود..
تمشي فيك
كل حبايبنا
محل تلاقينا ..
تتحسر لحالنا.
نحكي أحزانا
على البقت فينا
والبقت فيك
والله يا وطني
العزيز
عشان ناس
ليك خانت؟
والوطنية
عليها هانت؟
أو عشان.
ربنا بحبنا ؟
بفراقك إبتلانا
ومبتليك..؟
رضينا بأقدارنا.
نتمنى تاني ..
بكرة باكر.
في أيام جميلة
تجمعنا بيك..
يعود لينا
ليل الفرح
نرجع نعود..
نفتح بيوتنا
وشبابيكنا
ديك.
سامي الشاعر.
