محمد غبوش يكتب :أشرب مانجا.. وأنسى الحصل من موهانجا 

محمد غبوش يكتب :أشرب مانجا.. وأنسى الحصل من موهانجا

الجماعة الطيبين..

آي هم ذاتهم.. أحبابنا المريخاب.. الوصيفاب.. الديمة عايشين في العذاب..

مالهم الجماعة ديل؟ .. تاني رجعت تجيب سيرتهم يا غبوش..

لا.. لا.. علا بس كانوا شابكني ليك ليهم فترة.. وين انت.. وما تظهر بعد كم تعثر للهلال سيد البلدين السمح والزين في رواندا..

أها.. الليلة.. سكتو تب.. عملو (حمد.. لبد) بعد (اوهانجا) ليهم جلد .. ورجعهم تاني لترديد (نهواه في كل الظروف) ..

تحت.. تحت والخبر الوصلني إنو السبب أكبر من موهانجا.. ده ممكن يعالجوه بي (أشرب مانجا.. وانسى الحصل من أوهانجا)..

السبب قالوا.. الرعب الذي سببه لهم القاصر والقيصر فلومو.. وهو يواصل غزو الشباك بالثنائيات..

الجماعة طبعاً تقمصوا شخصيه عادل امام في (شاهد ماشافش حاجة) واصبحوا يهلوسون..

ده انا بخاف من الجان.. يطلعي فلومو.. وده انا غلبااااان..

يعني نحن ممكن في مباراة القمة في رواندا.. ده لو قامت أصلاً مع حالة الرعب الحالية لدى وصايفنا الحلوين..

ممكن عادي.. نلعب ليهم فلومو والجان بس في التشكيلة.. ونخلي الباقين يتفرجوا.. ويستمتعوا بـ…

ده انا غلبااااااان..

ده انتو ح تنضربوا ضرب.. لامن يبان لكو صاحب..

ماأصلو هي متعوداااا.. دااااائماً..

غايتو الشاف.. دفاع المريخ كلو سجل من بكرة في (دفتر العيادة) وإدعى الإصابة ما كضب..

وبس..

(غبوش)