نفوس الناس
لو نفوس الناس تطيب.
كل زول لأخوه حبيب..
وكل كلمه نقوله طيبة.
ولو سالنا الناس تجيب..
لا زعل يفرق قلوب.
لا حسد يقدر يصيب..
او تعاسه يعيشها واحد .
بسبب ظلما صعيب..
لو نفوس الناس تحابت.
كل دعواتها استجابت.
والدنيا كانت ليها جنه.
والحياه للكل طابت..
لاناس معذبه بالحزن.
او من هموم الدنيا شابت..
او طفل ما لاقي فرحه
من ما ماتت أمه سابت.
لو نفوس الناس موده.
وكل زول للتاني شده..
ما بتلقى فينا ضايع.
او دموع تملا المخده..
وما بتسمع بمأسي.
خلت كتير من غيرو صده..
وما شفنا دمعه في عين
صغير.
او شيخ عليل ما لاقي سنده..
لو نفوس الناس بتغفر
و تعفو..
ما كان زلة صغيرة عفوا ،
سبب قطيعة بأوجاع
شديدة تطفو..
فرقت بين زول وأهلو.
والخصام مع الشيطان
يفوتوا حدو..
لو نفوس الناس تسامح.
كان الزمن جميل حلو
الملامح..
لا مكشر فيهو عقدة.
او رباط الناس بس مصالح..
و النوايا حسنة طيبة.
كل ما في اللسان صادق
و واضح..
لو نفوس الناس أمان.
كانو طيبة وكان حنان..
ما كان في زول ضاع
في سكة.
او غريب فقد الأمان..
كان عاشت الناس في
في سعادة.
وكل ما درناهو كان..
سامي الشاعر..
