سامي مصطفى أمين يكتب:  نفوس الناس 

مساحة للكلم

سامي مصطفى أمين يكتب:

نفوس الناس

لو نفوس الناس تطيب

كل زول لأخوه حبيب..

وكل كلمه نقوله طيبه

ولو سالنا الناس تجيب..

لا زعل يفرق قلوب

لا حسد يقدر يصيب..

او تعاسه يعيشا واحد

بسبب ظلما صعيب..

لو نفوس الناس تحابت.

كل دعواتها استجابت..

والدنيا كانت ليها جنه

والحياه للكل طابت..

لاناس معذبه بالحزن.

او من هموم الدنيا شابت..

او طفل ما لاقي فرحه

من ما ماتت امه سابت.

لو نفوس الناس موده

كل زول للتاني شده..

وما بتلقى فينا ضايع

او دموع تملا المخده..

وما بتسمع بمأسي

خلت كتير من غيرو صده..

وما شفنا دمعه في عين

صغير.

او شيخ عليل ما لاقي سنده..

لو نفوس الناس بعد الزلات

لبعض،بتغفر و تعفو.

ما كان زلة صغيرة عفوا ،

سبب قطيعة وأوجاع

شديدة.

فرقت بين زول و أهلو.

والخصام يفوت حرام

مع الشيطان لحدو..

لو نفوس الناس تسامح.

كان الزمن جميل حلو

الملامح..

لا مكشر فيهو عقدة.

او رباط الناس بس مصالح..

و النوآيا حسنة طيبة.

كل ما في اللسان القلب

صادق وواضح..

لو نفوس الناس أمان.

كانو طيبة و كان حنان..

ما كان في زول ضاع

في سكة.

او غريب فقد الأمان..

كان عاشت الناس في

هناء و سعادة.

وكل ما درناهو كان..

سامي الشاعر..