مساحة للكلم
سامي مصطفى أمين يكتب:
- لمن حمل السلاح
لمن حمل السلاح… عن العرض والروح
والمال.
عنك يا وطن..
في محنتك..
يا النصر أو الشهادة.
طمعان (يارب) في جنتك.
أقول ليك أبشر..
تسلم يا بطل..
تسلم البطن الجابتك..
تسلم أخو البنات.
تسلم وإخوانك معاك.
ربنا ينصرك..
إنتو (جند الله
جند الوطن.
إن دعى الداعي
يوم حوبتك.)
يعلي مقامك ورتبتك..
و اصل وراءهم وراءهم
جكتك..
جيبو حي أو اكتلو.
برد نار غبينتنا
بطلقتك..
ديل نهبوا البيوت.
إغتصبو الحراير .
دايرين يقلعوا البلد
مننا.
خابوا وعردوا بركزتك..
ياسلام تعظيم سلام .
مني ليك.
من أخواتك من بنات
عمك وحلتك..
أرموا قدام
ما بوصيك.
أكنس أمسح.
شوف شغلتك..
والله عزيتوا الوطن.
ورفعتوا في المدن
التمام.
فرحت الناس بدخلتك..
تسلموا ويسلم
السودان.
ما دمتوا رافعين
السلاح.اذانكم (حي على الكفاح).
(بل بس).
ربنا يقويكم.
أنصر دينكم.
كردفان ودارفور .
أحر من الجمر إنتظرتك..
خلاص قرربت.
دمتم.
سامي الشاعر..
