سامي مصطفى أمين يكتب … مساحة للكلم …العودة

*مساحة للكلم*

سامي مصطفى أمين يكتب :العودة

الأبواب بتسأل..

عن المفاتيح و الطبل..

كم ناس نزحت ما عادت

للبيوت..

تشتت في كل القبل..

طاردها الموت منه خافت.

قالت الأرواح تنجو أول..

ما ظنت أنه الخراب

حيصيب البلد زي ما حصل..

كانت الحرب.حرب إنتقام.

بحقد أسود..

على كل بيت و كل مسلح

و كل أعزل..

نفثوا شرهم زي سم الأفاعي.

أحرقوا و نهبوا.

إغتصبوا و عاثوا قتل..

كان حلمهم حكم البلاد

و زولهم ينصبوه حاكم بطل..

خاب ظنهم ضاع حلمهم.

فروا و إندسوا في كل محل..

تبرأنا منهم و تبا لهم.

جرح الخيانة ما بندمل..

صبرنا.إنتصرنا.عبرنا.

ستعود الناس للبيوت.

وتعانق المفاتيح الأقفال

و الطبل..

و تحكي البيوت للعائدين.

قدر الخراب و الاغتصاب.

و كل ماحصل..

كل زول عرف عدوه من صليحه.

و تفرز الكيمان من تاني أول..

يا في بلد وآحده نعيش في سلام.

و بدون السلام ما بيجمعنا شمل.

*سامي مصطفى أمين*