في دروب ما معروفه
كيف.
في برد ومطر عنيف.
دكت الرواكيب المطر
والبحر..ما عرفنالو قيف.
القصور فضلت تعاين
مابتمد إيدها لضعيف.
يا زمن فعلا سخيف
الله في عون الضعيف.
نايم خفيف قايم خفيف.
قال الشهاده تموت شريف.
يداقش من جيت الدغش.
عشان العيال تاكل رغيف.
يعود بدراهم معدودات
حاير يقيف.
ويقول يا لطيف.
خليك عفيف.
الزمن دولاب
والأيام دول
باكر بعود تاني الخريف.
نغني للماضي الظريف.
زمن الأليف بلقى الوليف.
وأبو مروءه جنبك في كل
مكان
والكلام طاعم نظيف.
والناس ما بتبخل
إلا بالشرف
والقوي بشيل الضعيف.
آآه يا بلد.. آآه يابشر
بقيتو زي زولا في البحر
خطف البحر .. منو
المقاديف..
سامي الشاعر..
