كل المدن الخربوها..
تعود البيوت لناسها
ترجع من جديد
يعمروها..
سودانا ما بلدا
بستعمروها..
ما مليشياتا
أوباش ملاقيط
بهزموها..
حتقطع الأقدام
الغزتها..
والرقاب الجات
تعوس فيها فساد
بقطعوها..
سودانا مقبرة
الغزاة .
(شيكان) بتشهد
(كرري) بتحكي
تاريخ جدودنا.
بطولات لينا درسوها..
سيفها مابنكسر
بلدنا.
مابلوي يديها
عدوها..
بكرة ترجع.
وكل زول
نزح باكر
بيرجع.
وترجع لسيرتها
الأولى
بعمروها..
كل متعاون عميل
كل خاين مرتزق
ذليل.
ماليهو مكان
غير تحت التراب
أو يعرد يغادر
يفوتها.
(نصر من الله
و فتح قريب).
غدا يا بلدي
الحبيب.
بشعبك وجيشك.
منتصرة محروسه.
سامي الشاعر..
