لما نرجع
لبلدنا تاني..
ترجع أيامنا
أروع..
نرتاح من
السفر البعيد.
نحضن رمال
النيل شديد..
نغسل دموع
شوقنا اللطال.
نبلل عيوننا
من جفافها..
لما نرجع.
تهلل الأشجار
تلوح.
للعايدين ببشاشة
وتغرد الطير
بالبشارة..
مارجع الزول
القيافة..
ويزهر الليمون
والجوافة..
وتساقط النخل
رطبا جنيا..
للعادوا بعد ما
نزحوا مسافة..
لما نرجع.
ترجع أيامنا أروع.
ومافي حاجة
من الفرحه
تمنع..
وكل شتلة
ورد نزرع.
والربيع يخالف
عوايدو.
في عز الشتاء
تاني يرجع..
والبنيات الصغار
يسرحن لينا
الضفاير
وشفاهن
بالبسمه تلمع..
والف خطوة
زول عزيز
ترحب بالعايدين
شديد..
وكل خطوة
من التانية أسرع..
وكم زغرودة
فرحة نسمع..
لما نرجع..
ترجع الموجة
لضفافها..
والشمس
من الغيمة
تطلع..
وكل ألوان
الطيف.
في سمانا
تلمع..
والمطر قبل الخريف..
يرحب بينا ومعانا
يرجع.
لما نرجع..
سامي الشاعر..
