يا مطر
لو تعرف إنك يا مطر..
بترجعني للزمن القبيل..
زمن القليب كان زي فراشه..
وصوت البلوم وشليل..
زمن الحنان والبشاشه..
فيك يا (سنار)’حليل..
لو تعرف إنك يا مطر..
بتديني الفرح..
ومرات
تشيل..
وبتسوقني لي
زمنا بعيد..
في (جوبا وملكال
وكوستي)
في مدن سوداني
الجميل
أجمل أيام عمري
كانت
حركت مشاعري قوافي
وبالشعر كنت علي
مابخيل..
بتذكرني (واو)
الوديعة
الخريف فيها
بيكيل..
والرصيف القال
للمطر في سنار..
البحر بقى علي
تقيل..
يا زمن كان ليك طعم..
العندو ضاقو
وصاحب القليل..
بتذكري الصبا والشباب
الزمن القبيل
والزمن الجميل..
(اللهم أجعلها أمطار خير وبركه..)
اللهم آمين..
سامي الشاعر..
